ສຳນັກຂ່າວເອຟພີຈາກນະຄອນຊຽງໄຮ້ ປະເທດຈີນ ເມື່ອວັນທີ 22 ພຶດສະພາ ວ່າ ຜູ້ບໍລິຫານຂອງບໍລິສັດ ຄອມເມີຊຽວ ແອຣຄຣາຟ ຄຣອບເຣຊັ່ນ ອັອບ ໄຊນ່າ ຫຼື ໂຄແມດ ຂອງລັເຖະບານຈີນ ແລະ ບໍລິສັດ ຢູໄນເຕັດ ແອຣ ຄຣາຟ ຄຣອບເຣຊັ່ນ ຫຼື ຢູເອຊີ ຂອງຣັສເຊຍ ປະກາດກໍ່ຕັ້ງກິດຈະການຮ່ວມທຶນຢ່າງເປັນທາງການ ທີ່ເມືອງ ຊຽງໄຮ້ ເມື່ອວັນຈັນ ການປະກາດມີຂຶ້ນພຽງ 2 ອາທິດ ຫຼັງຈາກຈີນປະສົບຄວາມສຳເລັດໃນການທົດສອບບິນເຮືອບິນໂດຍສານຂະໜາດໃຫຍ່ລຳທຳອິດທີ່ຜະລິດຂຶ້ນເອງໃນປະເທດ.

ແຜນການຜະລິດເຮືອບິນໄປພົ່ນໂດຍສານຂະໜາດໃຫຍ່ລຳຕົວກວ້າງ ຖືກເຜີຍເຜີນຄັ້ງທຳອິດເມື່ອເດືອນ ມິຖຸນາ 2016 ເມື່ອປະທານາທິບໍດີ ວາລາດິເມຍ ປູຕິນ ຂອງຣັສເຊຍ ພົບປະກັບປະທານາທິບໍດີ ສີ ຈິ້ນຜິງ ຜູ່ນຳຈີນ ທີ່ນະຄອນຫຼວງປັກກິ່ງ ແລະ ສື່ທາງການຂອງຈີນລາຍງານກ່ອນໜ້ານີ້ ໂດຍອ້າງການເປີດເຜີຍຂອງເຈົ້າໜ້າທີ່ລັດຖະບານວ່າ ໂຄງການຮ່ວມທຶນນີ້ມີມູນຄ່າປະມານ 13,000-20,000 ລ້ານໂດລາ.

ລາຍງານຂອງສື່ຈີນລະບຸວ່າ ເຮືອບິນໂດຍສານຮຸ່ນໃໝ່ ຈີນ-ຣັສເຊຍ ຈະໃຊ້ຊື່ວ່າ 929 ຈະມີ  280 ບ່ອນນັ່ງ ພິໄສທັດການບິນ 12,0000 ກມ. ເຊິ່ງຄູ່ແຂ່ງໂດຍກົງກັບໂບອິ້ງ 787 ແລະ ແອຣບັສ ເອ350.