ສຳນັກຂ່າວຣອຍເຕີລາຍງານຈາກນະຄອນຫຼວງ ປັກກິ່ງ ປະເທດຈີນ ເມື່ອວັນທີ 18 ພຶດສະພາ 2017 ຈີນສ້າງແຮງສັ່ນສະເທືອນໄປທົ່ວພາກພື້ນ ດ້ວຍແຜນການປະຕິຮູບກອງທັບ ເຊິ່ງມີຂະໜາດໃຫຍ່ທີ່ສຸດໃນໂລກ ໂດຍຈະເນັ້ນທາງດ້ານຄຸນນະພາບຫຼາຍກວ່າປະລິມານ ຮວມທັງທົດແທນອຸປະກອນ ແລະ ຍຸດທະວິທີແບບເກົ່າ ທີ່ີໃຊ້ມາຫຼາຍທົດສະວັດ ດ້ວຍການທຸ້ມງົບຄ່າໃຊ້ຈ່າຍຫຼາຍພັນລ້ານໂດລາ
ເຮລິຄອບເຕີຮຸ່ນ Z-19E ພັດທະນາໂດຍບໍລິສັດ AVIC Harbin Aircraft Industry ຂອງລັດຖະບານຈີນ ອອກບິນທ້ຽວທຳອິດເໜືອທ້ອງຟ້າເມືອງຮາບິນ ແລະ ຍັງເປັນເຮລິຄອບເຕີ ເພື່ອການສົ່ງອອກແບບທຳອິດຂອງຈີນ ທີ່ຜະລິດເພື່ອວັດຖຸປະສົງໂຈມຕີໂດຍສະເພາະ ເຮລິຄອບເຕີຮຸ່ນນີ້ ຖືກອອກແບບມາເພື່ອຕອບສະໜອງຄວາມຕ້ອງການຂອງຕະຫຼາດຕ່າງປະເທດ
ທ່ານ ຫຼີ່ ເຊງເຫວີ່ຍ ຮອງຜູ່ອຳນວຍການຝ່າຍອອກແບບຂອງບໍລິສັດ ຮາບັນ ແອຮ໌ຄຣາຟ ອິນດັສຕຣີ ເຜີຍຕໍ່າຳນັກຂ່າວ ຊິນຫົວ ວ່າ ແຊດ-19 ອີ ສາມາດສົ່ງອອກສູ່ສະໜາມຮົບເພື່ອສະໜັບສະໜູນ ແລະ ໃນພາລະກິດຫຼາກຫຼາຍໃນສະພາບແວດລ້ອມສູ້ຮົບທີ່ຊັບຊ້ອນ ທັງກາງເວັນ ແລະ ກາງຄືນ.
ແຊດ-19ອີ ໂດຍຖືກອອກແບບເພື່ອໂຈມຕີລົດຖັງ ຍານຫຸ້ມເກາະ ແລະ ເປົ້າໝາຍພາກພື້ນດິນອື່ນໆ ສາມາດບິນໄດ້ໃນລະດັບຕ່ຳຫຼາຍ ແລະ ມີບ່ອນນັ່ງສຳລັບນັກບິນ 2 ຄົນ ສາມາດເບິ່ງເຫັນເສັ້ນທາງບິນໄດ້ເປັນຢ່າງດີ.
ວິດີໂອຂ່າວ: CGTN