ເມື່ອສາມສີ່ປີທີ່ຜ່ານມາ ນັກລົງທຶນຈາກຈີນໄດ້ເຂົ້າມາເຮັດທຸລະກິດປູກກ້ວຍຢູ່ພາກເໜືອຂອງລາວ ໂດຍເຂົາເຈົ້າສະເໜີໃຫ້ຄ່າເຊົ່າທີ່ດິນປູກກ້ວຍກັບປະຊາຊົນ ໃນເຂດທຸລະກັນດານທາງພາກເໜືອ 720 ໂດລາ ຫຼືປະມານ 6 ລ້ານກີບຕໍ່ເຮັກຕາຕໍ່ປີ ພ້ອມຍັງສ້າງວຽກເຮັດງານທຳໃຫ້ປະຊາຊົນໃນເຂດດັ່ງກ່າວ ໃຫ້ໄດ້ເຂົ້າໄປເຮັດວຽກໃນສວນກ້ວຍ ສ້າງລາຍໄດ້ເຂົ້າຄອບຄົວອີກ ຂໍ້ສະເໜີດັ່ງກ່າວຈຶ່ງຖືກຕອບຮັບຈາກປະຊາຊົນທີ່ບໍ່ເຄີຍມີລາຍຮັບເປັນຢ່າງດີ.
ແຕ່ການເຮັດສວນປູກກ້ວຍຂອງນັກລົງທຶນຈີນນັ້ນ ພັດບໍ່ແມ່ນການປູກກ້ວຍແບບທີ່ປະຊາຊົນລາວເຄີຍເຫັນ ຄື ມີການໃຊ້ສານເຄມີສາລະພັດ ແລະຢາປາບສັດຕູພືດ ແບບບໍ່ມີຂອບເຂດຫຼືບໍ່ມີການຄວບຄຸມ ໃຫ້ຖືກຕ້ອງຕາມຫຼັກການເລີຍ. ດັ່ງນັ້ນ, ຕະຫຼອດການປູກກ້ວຍໃນ 3 ປີທີ່ຜ່ານມາ ຈຶ່ງເປັນການທຳລາຍທຳມະຊາດຢ່າງອັນຕະລາຍ ພື້ນດີນ, ອາກາດ, ປ່າທຳມະຊາດ ແລະສາຍນໍ້າ ຈຶ່ງເຕັມໄປດ້ວຍສານເຄມີອັນຕະລາຍ ລວມທັງຄວາມຮົກເຮື້ອຊຸດໂຊມຂອງທຳມະຊາດ ແລະປະຊາຊົນທີ່ເປັນແຮງງານໄດ້ຮັບຜົນກະທົບຕໍ່ສຸຂະພາບຈົນລົ້ມປ່ວຍ.
ແຫຼ່ງຂ່າວ: ໄທຣັດ