ຢືມຫຍັງຍາກທີ່ສຸດ? ຢືມເງິນ!
ນັ້ນຄືຄຳເວົ້າຂອງລີກາຊິງ ມະຫາເສດຖີຮົງກົງ
……..
ຄົນທີ່ກ້າໃຫ້ທ່ານຢືມເງິນ ຄືຜູ້ອຸປະຖຳຂອງທ່ານ
ຄົນປະເພດນີ້ມີໜ້ອຍທີ່ສຸດໃນສັງຄົມຊູ່ມື້ນີ້ ຖ້າຫາກທ່ານມີວາສະໜາໄດ້ພົບພໍ້ ຕ້ອງສຳນຶກບຸນຄຸນໄປຊົ່ວຊີວິດ.
ຕອນທີ່ທ່ານລຳບາກ ແລ້ວມີຄົນຍື່ນມືເຂົ້າມາຊ່ວຍຊູທ່ານເອົາໄວ້ ບໍ່ແມ່ນວ່າເພາະເຂົາມີເງິນຫຼາຍ ແຕ່ເພາະວ່ານໍ້າໃຈຂອງເຂົາທີ່ຢາກຊ່ວຍທ່ານໃຫ້ຂຶ້ນຈາກຮ່ອງເຫວຂອງຄວາມລຳບາກ ທີ່ໃຫ້ທ່ານຢືມນັ້ນມັນບໍ່ແມ່ນເງິນ ແຕ່ມັນຄືຄວາມເຊື່ອໃຈ ຄວາມໄວ້ໃຈ ແລະກຳລັງໃຈ!.
ເພາະເຊື່ອໃນສັກກະຍະພາບຂອງທ່ານ ເພື່ອໃຫ້ທ່ານພົ້ນຈາກຄວາມລຳບາກໃນຕອນນັ້ນ
ຫວັງວ່າທ່ານທັງຫຼາຍທີ່ເປັນຄົນຢືມເງິນຢ່າໄດ້ຢຽບຍໍ່າຄຳວ່າ ”ນໍ້າໃຈ“ ທີ່ໃຜເຂົາໃຫ້ມາ ເພາະຄຳວ່າ ”ເສຍສັດຈະ“ ຄືການລົ້ມລະລາຍທີ່ສາຫັດທີ່ສຸດໃນຊີວິດຄົນເຮົາ.
ຕ້ອງລະວັງໄວ້ໃຫ້ດີ ມິດສະຫາຍທີ່ຈິງໃຈຄືຊັບສົມບັດທີ່ປະເສີດທີ່ສຸດໃນຊີວິດ
ໃນຂະນະດຽວກັນ ຂໍໃຫ້ທ່ານຈົ່ງລະນຶກໄວ້ສະເໝີວ່າ
ຄົນທີ່ມັກຈ່າຍເງິນກ່ອນ ບໍ່ແມ່ນຍ້ອນເຂົາອວດອົ່ງວ່າມີເງິນຫຼາຍ ແຕ່ເປັນເພາະເຂົາເຫັນວ່າມິດຕະພາບສຳຄັນກວ່າລາຄາອາຫານໃນຄາບນັ້ນ.
ຄົນທີ່ຍອມຍົກຜົນປະໂຫຍດໃຫ້ທ່ານຫຼາຍແດ່ໃນຕອນຮ່ວມຫຸ້ນ ບໍ່ແມ່ນຍ້ອນເຂົາໂງ່ ແຕ່ເປັນຍ້ອນເຂົາຮູ້ຈັກແບ່ງປັນ
ຄົນທີ່ຍອມເຮັດວຽກຫຼາຍກວ່າຄົນອື່ນ ບໍ່ແມ່ນຍ້ອນເຂົາໂງ່ ແຕ່ເປັນຍ້ອນເຂົາຢາກຮັບຜິດຊອບໃນໜ້າທີ່ແລະເຂົາຮັກອົງກອນ
ຄົນທີ່ຍອມຂໍໂທດກ່ອນເວລາຜິດຖຽງກັນ ບໍ່ແມ່ນຍ້ອນເຂົາຜິດ ແຕ່ເປັນຍ້ອນເຂົາຍັງເຄົາລົບຄວາມຮູ້ສຶກຂອງທ່ານຢູ່
ຄົນທີ່ຍອມຊ່ວຍເຫຼືອທ່ານບໍ່ວ່າເລື່ອງໃດ ບໍ່ແມ່ນຍ້ອນເຂົາເປັນໜີ້ທ່ານ ແຕ່ເປັນຍ້ອນເຂົາເຫັນທ່ານເປັນເພື່ອນແທ້
ຄົນອື່ນຊ່ວຍເຫຼືອທ່ານນັ້ນເປັນເລື່ອງຂອງນໍ້າໃຈ ທີ່ບໍ່ຊ່ວຍເຫຼືອທ່ານນັ້ນກໍເປັນເລື່ອງຂອງເຂົາ
ຄົນເປັນຈຳນວນຫຼວງຫຼາຍສະແດງທ່າທາງໂກດແຄ້ນທີ່ຄົນອື່ນບໍ່ຍອມໃຫ້ຢືມເງິນ ທັ້ງໆທີ່ທ່ານບໍ່ມີສິດທີ່ຈະໂກດແຄ້ນເຂົາເລີຍ
ຄົນບາງຄົນພັດເຮັດຄືໂຕເອງສະຫຼາດ ຢືມແລ້ວບໍ່ຍອມສົ່ງ! ຄົນປະເພດນີ້ ຈັກມື້ໜຶ່ງຈະໝົດຄ່າໃນສາຍຕາຂອງຜູ້ຄົນ
ຖ້າຫາກການໄດ້ພົບການໄດ້ຮູ້ຈັກກັນຄືວາສະໜາ ການຄົບຫາກັນໃຫ້ຍາວນານຕ້ອງອາໄສສັດຈະແລະຄວາມຈິງໃຈ
…….
ເນື້ອໃນ: ລີກາຊິງ
ທີ່ມາ: ນຸສົນບຸກ