spot_img
Homeຂ່າວຕ່າງປະເທດEU ປະກາດໃຊ້ມາດຕະການພິເສດ ຊ່ວຍເຫຼືອພາກກະສິກຳຂອງເອີລົບ ທີ່ຖືກຜົນກະທົບຈາກມາດຕະການຕອບໂຕ້ຂອງຣັດເຊຍ

EU ປະກາດໃຊ້ມາດຕະການພິເສດ ຊ່ວຍເຫຼືອພາກກະສິກຳຂອງເອີລົບ ທີ່ຖືກຜົນກະທົບຈາກມາດຕະການຕອບໂຕ້ຂອງຣັດເຊຍ

Published on

 

ຄະນະກຳມາທິການເອີລົບ ໄດ້ອອກປະກາດມາດຕະການພິເສດຢ່າງຫຼວງຫຼາຍ ໃນວັນທີ 18 ສິງຫາ 2014 ເພື່ອ

ຊ່ວຍເຫຼືອຊາວກະສິກອນທີ່ໄດ້ຮັບຜົນກະທົບ ຈາກການທີ່ຣັດເຊຍສັ່ງຫ້າມນຳເຂົ້າຜັກ ແລະ ໝາກໄມ້ຈາກໂລກ

ຕາເວັນຕົກ.

 

ແຫຼ່ງຂ່າວຕ່າງປະເທດ ລາຍງານໃນວັນທີ 18 ສິງຫາ 2014 ໂດຍອ້າງ ຄະນະກຳມາທິການເອີລົບ ໄດ້ລະບຸວ່າ ບັນ

ດາສິນຄ້າທີ່ໄດ້ຮັບຜົນກະທົບນັ້ນ ກຳລັງສຸກງອມຄາຕົ້ນໃນລະດູເກັບກ່ຽວ ໃນຂະນະທີ່ແທບຈະບໍ່ມີຄວາມຫວັງ

ທີ່ຈະຫາຕະຫຼາດອື່ນມາຮັບຊື້ແທນຣັດເຊຍໄດ້ຢ່າງທ່ວງທັນ.

 

ຄະນະຜູ້ແທນຝ່າຍບໍລິຫານຂອງສະຫະພາບເອີລົບຊຸດນີ້ກ່າວວ່າ ການອອກມາດຕະການຊ່ວຍເຫຼືອຈະຊ່ວຍທົດ

ແທນຄວາມເສຍຫາຍໃຫ້ແກ່ຊາວກະສິກອນຜູ້ປູກໝາກເລັ່ນ, ກາຣົດ, ຜັກກາດຂາວ, ພິກໄທ, ດອກກະຫຼ່ຳ,

ໝາກແຕງ,ເຫັດ, ແອັບເປິ້ນ, ເບີຣີ່, ໝາກລະແຊັງ ແລະ ກີວີ ເປັນມູນຄ່າກ່ວາ 125 ລ້ານເອີໂຣ (ປະມານ 1337

ຕື້ກີບ).

 

ທ່ານ ດາຊຽນ ຊິໂອລອສ ກຳມາທິການຝ່າຍກະສິກຳ ໄດ້ລະບຸໃນຄຳຖະແຫຼງວ່າ ຊາວກະສິກອນຜູ້ປູກຜັກ ແລະ

ໝາກໄມ້ປະເພດທີ່ໄດ້ຮັບຜົນກະທົບທຸກຄົນ ຕ່າງກໍມີສິດທີ່ຈະໄດ້ຮັບຄວາມຊ່ວຍເຫຼືອ ຈາກມາດຕະການທາງ

ການຕະຫຼາດເຫຼົ່ານີ້ ຕາມທີ່ພວກເຂົາເຫັນສົມຄວນ ບໍ່ວ່າພວກເຂົາຈະຢູ່ໃນອົງການຜູ້ຜະລິດ ຫຼື ບໍ່ກໍຕາມ.

 

ເມື່ອຕົ້ນເດືອນທີ່ຜ່ານມາ ລັດຖະບານມົດສະກູ ໄດ້ອອກປະກາດຫ້າມນຳເຂົ້າສິນຄ້າເພື່ອຕອບໂຕ້ສະຫະລັດ

ແລະ ເອີລົບ ທີ່ປະກາດມາດຕະການຂ້ວາມບາດຕໍ່ຣັດເຊຍ ເນື່ອງຈາກມະຫາອຳນາດຊາດຕາເວັນຕົກໄດ້ກ່າວ

ຫາວ່າ ຣັດເຊຍມີບົດບາດໃນການເຮັດໃຫ້ກຸ່ມແບ່ງແຍກດິນແດນ ທາງພາກຕາເວັນອອກຂອງອູແກຣນລຸກຮື

ຂຶ້ນກໍ່ຄວາມຮຸນແຮງ.

 

ຣັດເຊຍໄດ້ປະກາດມາດຕະການຫ້າມນຳເຂົ້າສິນຄ້າ ປະເພດຊີ້ນສັດ, ຜັກ, ໝາກໄມ້, ປາ ແລະ ຜະລິດຕະພັນ

ທີ່ເຮັດຈາກນົມຂອງສະຫະພາບເອີລົບ, ສະຫະລັດອາເມຣິກາ, ອົດສະຕາລີ, ການາດາ ແລະ ນອກແວ ໂດຍມີຜົນ

ບັງຄັບໃຊ້ເປັນເວລາ 1 ປີ.

 

ມາດຕະການຊ່ວຍເຫຼືອທາງການຕະຫຼາດຂອງສະຫະພາບເອີລົບ ເລີ່ມມີຜົນບັງຄັບໃຊ້ນັບຕັ້ງແຕ່ວັນທີ 18 ສິງ

ຫາ 2014 ໄປຈົນເຖິງເດືອນພະຈິກຂອງປີນີ້ ໂດຍຫຼັກໆແລ້ວ ຈະໃຊ້ວິທີການຖອດຜະລິດຕະພັນທີ່ໄດ້ຮັບຜົນກະ

ທົບອອກຈາກຕະຫຼາດຂອງເອີລົບ ເພື່ອຄຸ້ມຄອງລາຄາສິນຄ້າທີ່ຕົກຕ່ຳລົງມາເລື້ອຍ ນັບຕັ້ງແຕ່ຊາວກະສິກອນ

ກຸ່ມນີ້ ບໍ່ສາມາດສົ່ງອອກສິນຄ້າໄປຍັງຣັດເຊຍ.

 

ຄະນະກຳມາທິການເອີລົບຖະແຫຼງວ່າ ຈະເດີນໜ້າຕິດຕາມພັດທະນາການຂອງຕະຫຼາດຕໍ່ໄປ ແລະ ຈະບໍ່ລັງເລ

ທີ່ຈະໃຫ້ຄວາມຊ່ວຍເຫຼືອພາກສ່ວນອື່ນໆ ທີ່ເພິ່ງພາການສົ່ງອອກສິນຄ້າໄປຍັງຣັດເຊຍເປັນຫຼັກ ແລະ ນອກນັ້ນ

ຍັງຈະປັບມາດຕະການທີ່ຖືກປະກາດໃຊ້ແລ້ວ ໃຫ້ມີຄວາມເໝາະສົມຫຼາຍຂຶ້ນ ຫາກມີຄວາມຈຳເປັນ.

 

ຄວາມເຄື່ອນໄຫວດັ່ງກ່າວຂອງສະຫະພາບເອີລົບ ເກີດຂຶ້ນພາຍຫຼັງຫຼາຍປະເທດໃນເອີລົບ ຮຽກຮ້ອງໃຫ້ອີຢູຕ້ອງ

ຮັບຜິດຊອບ ຕໍ່ກັບມາດຕະການຂ້ວາມບາດທີ່ມີຕໍ່ຣັດເຊຍ ເຮັດໃຫ້ຫຼາຍປະເທດພົບກັບສະພາບຫຍຸ້ງຍາກທາງ

ດ້ານເສດຖະກິດ ຈາກການຕອບໂຕ້ຄືນຂອງຣັດເຊຍ ເຊິ່ງກ່ອນໜ້ານີ້ ຜູ້ນຳແຟັງລັງ ໄດ້ມີທ່າທີຂໍພົບປະເຈລະຈາ

ກັບປະທານາທິບໍດີຂອງປູຕິນ ແລະ ນາຍົກລັດຖະມົນຕີຂອງຮົງກາລີ ກໍໄດ້ອອກມາຮຽກຮ້ອງໃຫ້ສະຫະພາບເອີ

ລົບມີຄວາມຮັບຜິດຊອບຕໍ່ພາກການສົ່ງອອກຂອງປະເທດຕົນ.

 

ການນຳໃຊ້ມາດຕະການຕອບໂຕ້ກັນ ລະຫວ່າງຊາດມະຫາອຳນາດຕາເວັນຕົກ ແລະ ຣັດເຊຍ ທີ່ເກີດຂຶ້ນໃນປະ

ຈຸບັນນີ້ ນັບວ່າເປັນຂີດໝາຍຂອງການກຳເນີດສົງຄາມເຢັນອີກຄັ້ງ ນັບຕັ້ງແຕ່ການລົ່ມສະຫຼາຍຂອງສະຫະພາບ

ໂຊຫວຽດເປັນຕົ້ນມາ.

 

 

ບົດຄວາມຫຼ້າສຸດ

ໄປບໍ່ລອດ! ເຈົ້າໜ້າທີ່ອຸທະຍານ ແຫ່ງປະເທດໄທ ຈັບກຸມຄົນລາວ 2 ຄົນ ລັກລອບຂາຍຊາກສັດປ່າ

ເຈົ້າໜ້າທີ່ໄທ ຈັບກຸມ 2 ຊາວລາວ ກຽມລັກລອບຄ້າຂາຍຊາກສັດປ່າຫຼາຍກວ່າ 101 ກິໂລກຼາມ ສຳນັກຂ່າວຕ່າງປະເທດລາຍງານໃນວັນທີ 25 ມິຖຸນາ 2025 ຜ່ານມາ, ເຈົ້າໜ້າທີ່ກົມອຸທະຍານແຫ່ງຊາດ ສັດປ່າ ແລະ...

ສະພາແຫ່ງຊາດ ພິຈາລະນາວຽກງານສໍາຄັນຂອງຊາດ

ກອງປະຊຸມສະໄໝສາມັນ ເທື່ອທີ 9 ຂອງສະພາແຫ່ງຊາດ ຊຸດທີ IX , ໃນວັນທີ 25 ມິຖຸນານີ້ ພາຍໃຕ້ການເປັນປະທານ ຂອງທ່ານ ນາງ ສູນທອນ...

ຊີ້ແຈງຂໍ້ຂ້ອງໃຈຂອງສັງຄົມຕໍ່ການຕັດຕົ້ນໄມ້ຢູ່ຖະໜົນເສດຖາທິຣາດ

ຊີ້ແຈງແລ້ວ ຈາກກໍລະນີທີ່ເຈົ້າໜ້າທີ່ໄດ້ມີການຕັດຕົ້ນໄມ້ ຢູ່ຖະໜົນເສດຖາທິຣາດ ເນື່ອງຈາກມີການກໍ່ສ້າງ ແລະ ຂະຫຍາຍໜ້າທາງ ລວມທັງຮ່ອງລະບາຍນໍ້າຢູ່ຖະໜົນເສດຖາທິຣາດເພື່ອພັດທະນາປະເທດຊາດໃຫ້ມີຄວາມຈະເລີນຮຸ່ງເຮືອງ ການສັນຈອນໄປມາມີຄວາມສະດວກສະບາຍ ຕິດພັນກັບໂຄງ ການພັດທະນາດັ່ງກ່າວ, ທາງໂຄງການຈຶ່ງໄດ້ມີການສຶກສາສຳຫຼວດຕໍ່ຜົນກະທົບຂອງຕົ້ນໄມ້ທີ່ຢູ່ລຽບເສັ້ນທາງຖະໜົນເສດຖາທິຣາດໄປພ້ອມໆກັນ ຊຶ່ງລ້ວນແຕ່ເປັນຕົ້ນໄມ້ທີ່ສູງໃຫຍ່ມີອາຍຸ 100 ປີ. ດັ່ງນັ້ນ,...

2 ຝ່າຍກຽມຢຸດຍິງພ້ອມກັນ ໂດນັລ ທຣຳ ປະກາດ ເຖິງຄວາມຂັດແຍ່ງລະຫວ່າງ ອິດສະຣາແອນ ກັບ ອີຣານ

2 ຝ່າຍກຽມຢຸດຍິງພ້ອມກັນ ໂດນັລ ທຣຳ ປະກາດ ເຖິງຄວາມຂັດແຍ່ງລະຫວ່າງ ອິດສະຣາແອນ ກັບ ອີຣານ ທົ່ວໂລກຍັງຈັບຕາຄວາມຂັດແຍ່ງລະຫວ່າງ ອິດສະຣາແອນ (Israel) ກັບ ອີຣານ (Iran)...