ຕາມການລາຍງານຂ່າວຈາກເວັບໄຊຂ່າວ thairath ກັບ ອິດສະຫຼະ ເມື່ອເວລາປະມານ 05.10 ນາທີ ຕອນເຊົ້າຂອງວັນທີ 6 ພຶດສະພາ 2017 ສຳນັກແຜ່ນດິນໄຫວ ກົມອຸຕຸນິຍົມວິທະຍາ ລາຍງານ ເກີດເຫດແຜ່ນດິນໄຫວຈຸດສູນກາງທີ່ປະເທດລາວ ຂະໜາດແຮງສັ່ນສະເທືອນ 4.9 ຣິກເຕີ້ ທີ່ລະຕິຈູດ 19.81 ອົງສາເໜືອ ຮອງຈິຈູດ 101.42 ອົງສາຕະເວັນອອກ ຄວາມເລິກ 10 ກິໂລແມັດ ຫ່າງໄປທາງຕະເວັນອອກສຽງເໜືອ ເມືອງ ຫົງສາ ແຂວງ ໄຊຍະບູລີ ບັນດາບ້ານທີ່ໃກ້ກັບຈຸດທີ່ເກີດແຜ່ນດິນໄຫວປະກອບມີ ບ້ານແກ້ງແອ່ນ, ບ້ານ ນ້ຳຕັບ, ບ້ານ ທ່າສວ່າງ, ບ້ານ ກິວສາລາ, ບ້ານ ທ່ານຸ່ນ ແລະ ບ້ານ ຫ້ວຍໄລ່.
ເບື້ອງຕົ້ນແມ່ນບໍ່ມີລາຍງານເກີດຄວາມເສຍຫາຍ ແຕ່ສຳລັບຄົນທີ່ອາໃສຢູ່ຕຶກສູງ, ບ້ານເຮືອນສູງ ສາມາດຮັບຮູ້ແຮງສັ່ນສະເທືອນໄດ້.