ຂ່າວວ່າມີຜູ້ເສຍຊີວິດຍ້ອນປາເຂົ້າຄໍ ເຄີຍໄດ້ຍິນມາຫຼາຍຄັ້ງໃນໄລຍະຫຼາຍປີທີ່ຜ່ານມາ, ຫຼ້າສຸດເຫດການດັ່ງກ່າວເກີດຂຶ້ນອີກ ຢູ່ຕ່າງປະເທດ ລາຍລະອຽດຂອງຂ່າວບໍ່ໄດ້ບອກວ່າເກີດຂຶ້ນ ໃນວັນທີເດືອນປີໃດແທ້ ແຕ່ວ່າເຫດການດັ່ງກ່າວຄວນຖືກເຜີຍແພ່ຕໍ່ສັງຄົມ ເພື່ອເປັນອຸທາຫອນສອນໃຈ.
ມີຜູ້ຊາຍຜູ້ໜຶ່ງໄປຫາປາດ້ວຍການຫວ່ານແຫ ແຕ່ພໍປາຖືກແຫຫຼາຍ ຫຼັງຈາກເອົາປາອອກຈາກແຫໄດ້ໂຕໜຶ່ງແລ້ວ ກໍເອົາປາກຄາບໄວ້ ເພື່ອຈະຈັບປາໂຕອື່ນຕໍ່ ບໍ່ພໍທໍ່ໃດວິນາທີ ປາທີ່ຄາບໄວ້ໃນປາກໄດ້ດິ້ນໂດດເຂົ້າໄປຄາຢູ່ຮູຄໍ ແບບກືນບໍ່ເຂົ້າຄາຍບໍ່ອອກ ຍັງດີທີ່ມີຜູ້ເຫັນເຫດການແລະນຳສົ່ງໂຮງໝໍ ເພື່ອຮັບການຊ່ວຍເຫຼືອຈາກແພດໄດ້ທັນເວລາ ເຮັດໃຫ້ຜູ້ກ່ຽວລອດຈາກຄວາມຕາຍແບບຫວຸດຫວິດ.