ເມື່ອເລີ່ມເຂົ້າສູ້ໜ້າຝົນ ສຳລັບຄົນທີ່ຮ່າງກາຍບໍ່ຄ່ອຍແຂງແຮງ ຫລື ພັກຜ່ອນບໍ່ພຽງພໍກໍຄົງມີອາການເປັນຫວັດກັນເປັນທຳມະດາ ມື້ນີ້້ເຮົາຈຶ່ງຂໍແນະນຳ 7 ເມນູເດັດທີ່ຊ່ວຍບັນເທົາອາການໄຂ້ຫວັດ ມາຝາກກັນເລີ່ມຈາກ
- ນ້ຳຜັກ ແລະ ໝາກໄມ້ສົດ ອຸດົມໄປດ້ວຍສານຕໍ່ຕ້ານອະນຸມູນອິດສະລະທັງ ວິຕາມິນເອ ວິຕາມິນຊີ ວິຕາມິນອີ ປ້ອງກັນການຕິດເຊື້ອ ແລະ ຊ່ວຍກຳຈັດສິ່ງແປກປອມໄດ້ເປັນຢ່າງດີ
2. ແກງໄກ່ ເພາະມີສານ ນິວໂຊຟິນ ມີລິດຢັບຢັ້ງການເຄື່ອນທີ່ຂອງເມັດເລືອດຂາວ ຈຶ່ງຊ່ວຍຢັບຢັ້ງການອັກເສບໃນປອດ ຊ່ວຍລຸດອາການໄອໄດ້
3.ຊາຮ້ອນ ດ້ວຍສານໂພລິຟີນນໍ ທີ່ພົບໃນຊາຮ້ອນທຸກຈອກ ຊຶ່ງຊ່ວຍລຸດອາການຕິດເຊື້ອ ຫາຍໃຈສະດວກ
4.ກະທຽມ ນຳເອົາກະທຽມ 1ກີບນ້ອຍມາຊອນເປັນຕ່ອນບາງໆ ແລ້ວໃຊ້ບີ້ບີ້ໃຫ້ແຕກ ຕື່ມນ້ຳຮ້ອນລົງໄປ 1ຈອກ ພ້ອມນ້ຳໝາກນາວອີກໜ້ອຍໜື່ງ ດື່ມມື້ລະ 2ຈອກ ພຽງເທົ່ານີ້ອາການຫວັດກໍຈະບັນເທົາລົງ
5. ໂຍເກິດ ຊ່ວຍເພີ່ມລະດັບການເຮັດວຽກງານຂອງເມັດເລືອດຂາວ ແລະ ການຮັບປະທານຢ່າງຕໍ່ເນື່ອງ ຈະຊ່ວຍລຸດອາການຈາກຫວັດ ແລະ ພູມແພ້ໄດ້ອີກດ້ວຍ
6. ນ້ຳຂິງ ມີລິດຊ່ວຍຂັບເຫື່ອ ແກ້ຫວັດເຢັນ (ຮູ້ສຶກໜາວ, ມີໄຂ້ຕ່ຳ, ບໍ່ຄ່ອຍມີເຫື່ອອອກ) ແລະ ຍັງຊ່ວຍບັນເທົາອາການເຈັບທ້ອງ, ອືດທ້ອງ
- ອາຫານເຜັດຮ້ອນ ອາຫານ ທີ່ຊ່ວຍໃຫ້ດັງໂລ່ງ ເຊົາຄັດດັງ ກໍ່ຄືອາຫານລົດເຜັດຮ້ອນທີ່ມີໝາກເຜັດເປັນສ່ວນປະກອບ ບໍ່ວ່າຈະເປັນ ໝາກເຜັດຂີ້ໜູ, ໝາກເຜັດຊີ້ຟ້າ,ໝາກເຜັດແຫ້ງ ລວມໄປເຖິງພິກໄທ ແລະ ສະໝຸນໄພລົດເຜັດຮ້ອນອື່ນໆ