ເອເອຟພີລາຍງານເມື່ອວັນທີ 26 ເມສາ 2017 ຜ່ານມາວ່າ ກອງກຳລັງທະຫານອາເມລິກາ ເລີ່ມເຄື່ອນຍ້າຍອຸປະກອນຕິດຕັ້ງລະບົບຕໍ່ຕ້ານຂີປະນາວຸດຊັ້ນສູງ ຫຼື THAAD (ທາດ) ເຂົ້າສູ່ຖານທີ່ຕັ້ງໃນເກົາຫຼີໃຕ້ແລ້ວເມືອງຊອງຈູ ທາງພາກໃຕ້ ເພື່ອຮັບມືກັບໄພຄຸກຄາມຂອງເກົາຫຼີເໜືອ ແມ່ນວ່າການຕິດຕັ້ງຄັ້ງນີ້ຈະເຮັດໃຫ້ຈີນ ບໍ່ພໍໃຈຫຼາຍ ແລະພະຍາຍາມຄັດຄ້ານມາໂດຍຕະຫຼອດ ວ່າຈະກະທົບຕໍ່ສະຖຽນລະພາບ ແລະຄວາມໝັ້ນຄົງຂອງຈີນ
ອາເມລິກາ ແລະເກົາຫຼີໃຕ້ ຕົກລົງທີ່ຈະເຄື່ອນຍ້າຍທາດເມື່ອປີກາຍ ຈຸດກະແສໃຫ້ເກີດຄວາມຄິດເຫັນທີ່ແຕກຕ່າງກັນໃນໝູ່ເກົາຫຼີໃຕ້ ມີຄົນເຫັນພ້ອມ ແລະອອກມາປະທ້ວງ ໂດຍສະເພາະຊາວບ້ານທີ່ຢູ່ໃກ້ຖານຕິດຕັ້ງພາກັນປະທ້ວງ ແລະປະທະກັບຕຳຫຼວດ ຈົນມີຜູ້ບາດເຈັບຫຼາຍກວ່າ 10 ຄົນ
ທາງການເກົາຫຼີໃຕ້ເວົ້າວ່າ ຈະເລັ່ງສ້າງສັກກະຍາພາບຂອງທາດໂດຍໄວທີສຸດ ຕັ້ງເປົ້າວ່າ ຈະຕິດຕັ້ງແບັດເຕີຣີ່ຮູບແບບໄດ້ພາຍໃນທ້າຍປີນີ້