ສາວໆ ຄົນໃດບໍ່ຮູ້ຈັກ ຜ້າອະນາໄມ ຄົງຈະບໍ່ມີໃຜທີ່ບໍ່ຮູ້ຈັກແມ່ນບໍ່ ແຕ່ຈະມີພຽງຈັກຄົນ ທີ່ໃຊ້ໄດ້ຢ່າງຖືກຕ້ອງ ມື້ນີ້ພວກເຮົາເລີຍມີເລື່ອງກ່ຽວກັບ ຜ້າອະນາໄມ ມາຝາກສາວໆ
1. ປ່ຽນຢ່າງນ້ອຍມື້ລະ 2 ຜືນ ຄວາມອັບຊື້ນຈະເຮັດໃຫ້ແບກທີເລຍໃນຜ້າ ເຕີບໂຕໄດ້ດີ ຈົນທ່ານອາດຈະຕິດເຊື້ອໃນຊ່ອງຄອດ ຍິ່ງຖ້າສະສົມໄວ້ດົນໆ ຂໍບອກວ່າ ນີ້ແຫລະໂຕການມະເຮັງປາກມົດລູກ
2. ຫລີກລ້ຽງບ່ອນທີ່ປຽກຊຸ່ມ ບໍ່ຄວນເກັບຜ້າອະນາໄມ ໄວ້ໃນຫ້ອງນ້ຳ ເຖິງແມ່ນເຈົ້າຈະເກັບໃນ ໄລຍະຫ່າງໄກຈາກບັນດາກ໋ອກນໍ້າແລ້ວກໍຕາມ ເພາະເນື້ອຜ້າທີ່ອ່ອນນຸ່ມ ອົມຄວາມຊື້ນໄດ້ດີ ເໝາະ ຈະເປັນທີ່ເຮຮາປາຕີຂອງເຊື້ອພະຍາດເປັນທີ່ສຸດ ເພື່ອຄວາມປອດໄພຄວນເກັບຜ້າອະນາໄມ ໄວ້ໃນທີ່ທີ່ແຫ້ງ ສະອາດ ຢ່າງຕູ້ເສື້ອຜ້າຈະດີກ່ວາ
3. ອ່ານມື້ໝົດອາຍຸກ່ອນໃຊ້ ຜົນສຳຫລວດບອກວ່າ ມີແມ່ຍິງບໍ່ເຖິງ 1%ທີ່ຈະສັງເກດມື້ໝົດອາຍຸຂອງ ຜ້າອະນາໄມ ທັງໆ ທີ່ມັນກໍຄືກັບສິນຄ້າອື່ນໆ ຍິ່ງໃກ້ມື້ໝົດອາຍຸເທົ່າໃດຄຸນນະພາບກໍຈະຍິ່ງລຸດລົງຫລາຍເທົ່ານັ້ນ
4. ຜ້າແບບຊຶມຊັບຫລາຍ ແຕ່ປະໂຫຍດໜ້ອຍ ແມ່ຍິງບາງຄົນມັກໃຊ້ ຜ້າອະນາໄມ ແບບຊຶມຊັບໄດ້ຫລາຍໆ ເພື່ອທີ່ຈະບໍ່ຕ້ອງປ່ຽນເລີຍໃຫ້ກຸ້ມໝົດມື້ ຂໍບອກວ່າ ນີ້ເປັນຄວາມຄິດທີ່ອັນຕະລາຍຫລາຍ ເພາະເລືອດເປັນອາຫານຂອງເຊື້ອແບກທີເລຍ ຫລັກການໃຊ້ຜ້າອະນາໄມທີ່ຖືກຄື ຕ້ອງປ່ຽນທຸກໆ 2ຊົ່ວໂມງ ເພື່ອໃຫ້ຈຸດລັບສະອາດບໍ່ອັບຊື້ນ ວິທີນີ້ຊ່ວຍຫລຸດໂອກາດການເປັນມະເຮັງປາກມົດລູກໄດ້ອີກທາງໜຶ່ງ