ກົມອຸຕຸນິຍົມ ແລະອຸທົກກະສາດ ໄດ້ປະກາດແຈ້ງເຕືອນພາຍຸລະດູຮ້ອນ ຈົ່ງລະມັດລະວັງສະພາບລົມພັດແຮງ ແລະ ຝົນຕົກຟ້າຮ້ອງຟ້າເຫຼື້ອມ ປະຈຳວັນທີ 27 ເມສາ 2017 ຄວາມກົດດັນສູງຂອງອາກາດເຢັນທີ່ປະເທດຈີນ ຈະແຜ່ລົງມາປົກຄຸມຢູ່ທົ່ວທຸກພາກຂອງປະເທດລາວ ດ້ວຍກຳລັງອ່ອນ, ພ້ອມດຽວກັນກະແສລົມຕາເວັນອອກ-ຕາເວັນອອກສ່ຽງໃຕ້ ພັດປົກຄຸມດ້ວຍກຳລັງປານກາງຊຶ່ງລັກສະນະເຊັ່ນນີ້ ຈະເຮັດໃຫ້ມີຝົນຕົກຟ້າຮ້ອງ-ຟ້າເຫຼື້ອມ ພ້ອມມີລົມພັດແຮງເປັນບາງໂອກາດ ຢູ່ບາງທ້ອງຖິ່ນໃນທ້າຍຕອນບ່າຍ ຫາຄ່ຳ ຢູ່ແຂວງພາກເໜືອດ້ານຕາເວັນອອກລົງຫາພາກກາງ.
ດັ່ງນັ້ນຈຶ່ງຂໍແຈ້ງເຕືອນເຖິງພໍ່ແມ່ປະຊາຊົນ, ອຳນາດການປົກຄອງ ແລະອົງການຈັດຕັ້ງທຸກພາກສ່ວນ ຈົ່ງມີສະຕິກຽມພ້ອມຮັບມືກັບ ສະພາບລົມພັດແຮງ ແລະຝົນຕົກຟ້າຮ້ອງ-ຟ້າເຫຼື້ອມ ເຊິ່ງອາດຈະເຮັດໃຫ້ມີຕົ້ນໄມ້ – ເສົາໄຟຟ້າຫັກ, ເຮືອນຊານເປ່ເພ ແລະ ຂໍໃຫ້ຫຼີກລ້ຽງການຈອດລົດຢູ່ກ້ອງຕົ້ນໄມ້ໃຫຍ່ໃນໄລຍະດັ່ງກ່າວ.
- ສະພາບອາກາດ ແຂວງພາກເໜືອ ດ້ານຕາເວັນອອກ
- ສະພາບອາກາດ ແຂວງພາກເໜືອ ດ້ານຕາເວັນຕົກ
- ສະພາບອາກາດ ແຂວງພາກກາງ
- ສະພາບອາກາດ ແຂວງພາກໃຕ້
