ກົມອຸຕຸນິຍົມ ແລະອຸທົກກະສາດ ໄດ້ເຕືອນໄພພາຍຸລະດູຮ້ອນ ໃນວັນທີ 27- 29 ເມສາ 2017 ກະແສລົມພາຍຸລະດູຮ້ອນເກີດຂຶ້ນຢູ່ບາງທ້ອງຖິ່ນ ໃນແຕ່ລະພາກໃນໄລຍະດັ່ງກ່າວ ດັ່ງນີ້:
- ໄລຍະວັນທີ 27 ເມສາ 2017 ຈະມີຝົນຕົກຟ້າຮ້ອງ ຟ້າເຫຼື້ອມ ລົມພັດແຮງຢູ່ບາງທ້ອງຖິ່ນ ແຂວງຫົວພັນ, ຊຽງຂວາງ, ວຽງຈັນ, ໄຊສົມບູນ, ນະຄອນຫຼວງວຽງຈັນ, ບໍລິຄຳໄຊ, ຄຳມ່ວນ ແລະສະຫວັນນະເຂດ
- ໄລຍະວັນທີ 28-29 ເມສາ 2017 ຈະມີຝົນຕົກຟ້າຮ້ອງຟ້າເຫຼື້ອມ ລົມພັດແຮງຢູ່ບາງທ້ອງຖິ່ນເຊັ່ນ: ແຂວງຫຼວງພະບາງ, ໄຊຍະບູລີ, ບໍ່ແກ້ວ, ວຽງຈັນ, ນະຄອນຫຼວງວຽງຈັນ, ສະຫວັນນະເຂດ, ສາລະວັນ, ເຊກອງ, ຈຳປາສັກ ແລະອັດຕະປື
ດັ່ງນັ້ນ ຈຶ່ງຂໍແຈ້ງເຕືອນ ມາຍັງພໍ່ແມ່ປະຊາຊົນ ອຳນາດການປົກຄອງ ແລະອົງການຈັດຕັ້ງທຸກພາກສ່ວນ ທີ່ອາໄສຢູ່ແຂວງດັ່ງກ່າວ ຈົ່ງມີສະຕິລະວັງຕົວ ຮັບມືກັບພາຍຸດັ່ງກ່າວ
