ເວັບໄຊ໌ຂ່າວ ເດລີ່ເມວ ຂອງອັງກິດລາຍງານເມື່ອວັນທີ 25 ເມສາ 2017 ຜ່ານມາວ່າ ແມ່ຍິງຄົນອັບຟະລິກາໃຕ້ ອາຍຸ 25 ປີຄົນໜຶ່ງ ຢ້ານພໍ່ແມ່ຈະຮູ້ວ່າຕົວເອງມີລູກ ຈຶ່ງໄດ້ເອົາລູກຊາຍທີ່ຫາກໍ່ເກີດ ໄປຝັງທັງເປັນໄວ້ໃນຂຸມຝັງສົບ ໃກ້ກັບໂຮງງານແຫ່ງໜຶ່ງດ້ວຍມືຂອງຕົວເອງ, ແຕ່ຖືວ່າໂຊກຂອງເດັກນ້ອຍຍັງມີ ຜ່ານໄປ 3 ວັນ ເດັກນ້ອຍທີ່ໜ້າສົງສານຄົນດັ່ງກ່າວ ຍັງມີຊີວິດລອດ ສົ່ງສຽງຮ້ອງໄຫ້ ຈົນມີຄົນໄດ້ຍິນສຽງ ແລະຊ່ວຍເຫຼືອອອກມາໄດ້ ພ້ອມທັງຖືກນຳຕົວສົ່ງໄປໂຮງໝໍ
ເຫດການດັ່ງກ່າວ ເກີດຂຶ້ນທີ່ເມືອງ KwaZulu-Natal ທາງພາກຕາເວັນອອກຂອງປະເທດອັບຟະລິກາໃຕ້ ເຊິ່ງຍັງບໍ່ມີລາຍງານວ່າ ແມ່ຂອງເດັກນ້ອຍຈະໄດ້ຮັບການລົງໂທດແນວໃດ ຫຼືມີໂອກາດ ຈະໄດ້ຮັບລູກໄປລ້ຽງ ຫຼືບໍ່