ທ່ານຜູ້ອ່ານທັງຫຼາຍ ເຄີຍນອນໃນຂະນະທີ່ຜົມປຽກ ຫຼືບໍ່? ເຊິ່ງຖ້າທ່ານເຄີຍເຮັດ ກໍຄວນປ່ຽນພຶດຕິກຳ ເພາະການນອນຫລັງຈາກອາບນໍ້າ ແລະຜົມຍັງປຽກຢູ່ນັ້ນ ຈະເຮັດໜັງຫົວຂອງທ່ານອັກເສບ ແລະເຮັດໃຫ້ເກີດອາການຄັນໄດ້
- ເຈັບຫົວ: ການນອນທັງທີ່ຜົມຕົວເອງປຽກ ສາມາດເຮັດໃຫ້ເຈັບຫົວໄດ້ ເພາະເວລາເຮົານອນຫຼັບ ອຸນຫະພູມໃນຮ່າງກາຍຈະເພີ່ມຂຶ້ນ ເຮັດໃຫ້ຄວາມປຽກຊື່ນ ຢູ່ເທິງໜັງຫົວ ຈະເຮັດໃຫ້ເກີດອາການເຈັບຫົວຮຸນແຮງຂຶ້ນໄດ້
- ເສັ້ນຜົມແຕກປາຍ: ການນອນຂະນະທີ່ຜົມປຽກ ຈະເຮັດໃຫ້ຜົມທ່ານແຕກາຍໄດ້ຫຼາຍທີ່ສຸດ
- ຜົມໜຽວພັນກັນ: ຖ້າທ່ານຕັດສິນໃຈຈະນອນທັງໆທີ່ຜົມປຽກ ຈະເຮັດໃຫ້ຜົມທ່ານໜຽວ ແລະພັນກັນໃນຕອນເຊົ້າ ໂດຍສະເພາະແມ່ນຄົນທີ່ມີຜົມຍາວ
- ການຕິດເຊື້ອ: ໝອນເປັນທີ່ຢູ່ອາໄສຂອງເຊື້ອແບັດທີເລຍ ເພາະໝອນຈະດູດຊັບເອົາເຫື່ອ ແລະນໍ້າຈາກຫົວຂອງທ່ານ ລວມເຖິງເຊວຜິວທີ່ຕາຍ ແລະຜົມປຽກຈະເຮັດໝອນກາຍເປັນບ່ອນເພາະເຊື້ອຂອງແບັກທີເລຍ
- ອາການຄັນ: ການນອນໃນຂະນະທີ່ຜົມປຽກ ຈະເຮັດໃຫ້ເກີດອາການຄັນ
- ອາການປວດກ້າມເນື້ອ: ການປ່ຽນແປງຂອງອຸນຫະພູມຢ່າງກະທັນຫັນ ຈະເຮັດໃຫ້ເກີດອາການເຈັບກ້າມເນື້ອ
- ເກີດລັງແຄໄດ້ງ່າຍ: ໜັງຫົວຂອງທ່ານປຽກ ຈະເກີດການລົບກວນໃນການເຮັດວຽກຂອງຕ່ອມໄຂມັນທີ່ຢູ່ເທິງໜັງຫົວ ເຮັດໃຫ້ເກີດການຜະລິດນໍ້າມັນຫຼາຍເກີນໄປ ແລະຈະໄປທຳລາຍຄວາມສົມດູນຂອງໜັງຫົວ ສຸດທ້າຍກໍຈະເຮັດໃຫ້ເກີດລັງແຄ ຫຼືເຮັດໃຫ້ໜັງຫົວມັນຫຼາຍຈົນເກີນໄປ
ດັ່ງນັ້ນ ຖ້າທ່ານຢາກຫ່າງໄກຈາກບັນຫາຕ່າງໆທີ່ກ່າວມານັ້ນ ຄວນຫຼີກລຽງການນອນໃນຂະນະທີ່ຜົມປຽກ ຄວນເຊັດຜົມໃຫ້ແຫ້ງກ່ອນນອນທຸກຄັ້ງ ຫຼືຄວນສະຜົມເວລາຕອນສວາຍ ເຊິ່ງມັນດີຕໍ່ສຸຂະພາບໂດຍລວມຂອງທ່ານ