ບີບີຊີລາຍງານເມື່ອວັນທີ 25 ເມສາ 2017 ວ່າ ເຮືອດຳນໍ້າ ພະລັງງານນິວເຄຣຍ ຢູເອສເອສ ມິຊິແກນ ໄດ້ເດີນທາງມາສູ່ນ່ານນໍ້າເກົາຫຼີໃຕ້ແລ້ວ ຢູ່ຝັ່ງເມືອງປູຊານ ເພື່ອມາລໍຖ້າ ຮ່ວມຂະບວນການເຮືອບັນທຸກຍົນຮົບ ຢູເອສເອສ ຄາ ວິນສັນ ທີ່ຈະນຳມາສົບທົບຊ່ວງທ້າຍອາທິດນີ້ ຮັບສະຖານະການຕຶງຄຽດໃນມະຫາສະໝຸດເກົາຫຼີ

ເຮືອຢູເອສເອສ ມິຊິແກນ ມາຮອດໃນວັນອັງຄານ ທີ 25 ເມສາ ກົງກັບວາລະສຳຄັນຂອງເກົາຫຼີເໜືອ ທີ່ສະຫຼອງຄົບຮອບ 85 ປີ ການກໍ່ຕັ້ງກອງທັບ ທ່າມກາງສະຖານະການຕຶງຄຽດໃນມະຫາສະໝຸດ ເມື່ອສະຫະລັດອາເມລິກາກັບເກົາຫຼີເໜືອ ຕ່າງສົ່ງການສະແດງຄວາມເປັນປໍລະປັກ ແລະພ້ອມທີ່ຈະໃຊ້ອາວຸດຕໍ່ກັນ ອີກທັງສະຫະລັດຍັງມີພາລະພິເສດ ທີ່ເຊີນສະມາຊິກວຸດທິສະພາທັງໝົດ ເຂົ້າຮັບຟັງການສະຫຼຸບສະຖານະການເກົາຫຼີເໜືອຢູ່ທຳນຽບຂາວ

ໂຊຊຸນ ອິລໂບ ລາຍງານວ່າ ເຮືອຢູເອສເອສ ມິຊິແກນ ເປັນເຮືອດຳນໍ້າພະລັງງານນິວເຄຣຍ ຕິດຕັ້ງຂີປະນາວຸດໂທມາຮອກ 154 ລູກ ມີກອງກຳລັງພິເສດປະຈຳການຢູ່ 60 ຄົນ ມີເຮືອດຳນໍ້າຂະໜາດນ້ອຍຕິດຕັ້ງຢູ່ນຳ ຄາດວ່າຈະເປັນສ່ວນໜຶ່ງໃນການຊ້ອມຮົບກັບກອງເຮືອຄາ ວິນສັນ ທີ່ສະແດງແສນຍານຸພາບໃນພູມິພາກນີ້