ສຳນັກຂ່າວປະເທດຈີນລາຍງານເມື່ອວັນທີ 20 ເມສາ 2017 ຜ່ານມາວ່າ ແມ່ເຖົ້າອາຍຸ 82 ປີ ຄົນໜຶ່ງໃນເມືອງຢາງໂຈ ມົນທົນຈຽງຊູ ມີລູຊາຍ 2 ຄົນ ແລະລູກສາວ 2 ຄົນ, ໃນບັ້ນປາຍຊີວິດຂອງຜູ້ເປັນແມ່ ຈຶ່ງໄດ້ໝູນວຽນໄປອາໄສຢູ່ກັບລູກໆ ປ່ຽນກັນຄົນລະປີ ເຊິ່ງຜ່ານມາກໍມີຄວາມສຸກດີທີ່ຢູ່ກັບລູກຄົນອື່ນໆ, ແຕ່ເມື່ອວັນທີ 10 ເມສາ 2017 ຜ່ານມາ ແມ່ໄປຫາລູກຊາຍຫຼ້າ ຊືື່ວ່າ ສຽນ ສານຜິງ ແຕ່ລູກຊາຍບໍ່ໃຫ້ແມ່ຢູ່ເຮືອນນຳ ແລະຍັງໄດ້ຖິ້ມເຄື່ອງບ່ອນນອນ, ໝອນ, ຜ້າຫົ່ມຂອງແມ່ອອກນອກເຮືອນ ພ້ອມຂັບໄລ່ແມ່ໜີ, ແລ້ວລາວກໍອອກໄປນອກບໍ່ກັບມາເຮືອນ, ເຊິ່ງຜູ້ເປັນແມ່ບໍ່ຮູ້ຈະເຮັດແນວໃດກໍໄດ້ແຕ່ຫອບເຄື່ອງບ່ອນນອນນັ້ນ ໄປນອນຢູ່ໜ້າປະຕູຮົ້ວເຮືອນດົນກວ່າ 3 ວັນ ເຂົ້ານໍ້າບໍ່ໄດ້ກິນ ແມ່ເສົ້າເສຍໃຈຢ່າງໃຫຍ່ ເຮັດໃຫ້ຊາວບ້ານທີ່ຢູ່ແຖວນັ້ນທົນບໍ່ໄດ້ ຕ້ອງພາກັນເຂົ້າມາຊ່ວຍເຫຼືອ
ນາງ ສຽນ ສາງອິງ ເອື້ອຍກົກເມື່ອຮູ້ຂ່າວ ຈຶ່ງຮີບເດີນທາງມາຫາແມ່ ພ້ອມພະຍາຍາມຕິດຕໍ່ຫານ້ອງ ແຕ່ຕິດຕໍ່ບໍ່ໄດ້ ລາວໄດ້ເປີດເຜີຍວ່າ ພວກເຂົາພະຍາຍາມເວົ້າກ່ອມແມ່ ໃຫ້ແມ່ໄປຢູ່ເຮືອນອ້າຍຂອງ ສຽນ ສາງຜິງກ່ອນ ແຕ່ແມ່ບໍ່ຍອມໄປ ແລະຍັງບອກວ່າຊີວິດຈະຢູ່ ຫຼືຕາຍກໍຈະຢູ່ທີ່ນີ້
ແນວໃດກໍຕາມ ສຸດທ້າຍສຽນ ສາງຜິງ ກໍໄດ້ກັບມາເຮືອນ ແລະລາວກໍຍອມເປີດປະຕູເຮືອນຮັບແມ່ເຂົ້າໄປຢູ່ເຮືອນນຳແລ້ວ