spot_img
Homeຂ່າວທ້ອງຖິ່ນຈີນສົ່ງເຮືອສຳຫຼວດ 7 ລຳມາທຽບທ່າແມ່ນ້ຳຂອງຕາມເຂດຊາຍແດນລາວ-ໄທ

ຈີນສົ່ງເຮືອສຳຫຼວດ 7 ລຳມາທຽບທ່າແມ່ນ້ຳຂອງຕາມເຂດຊາຍແດນລາວ-ໄທ

Published on

ເມື່ອວັນທີ 19 ເມສາ 2017 ທີ່ຜ່ານມາເວັບໄຊຂ່າວ now26.tv ໄດ້ລາຍງານຂ່າວນັກສຳຫຼວດແມ່ນ້ຳຂອງຈີນໄດ້ສົ່ງເຮືອ 7 ລຳ ພ້ອມອຸປະກອນສຳຫຼວດ ມາຈອດທຽບທ່າແມ່ນ້ຳຂອງຕາມເຂດຊາຍແດນລາວ-ໄທ

ເວລາ 09.30 ນາທີ ຂອງວັນທີ 19 ເມສາ 2017 ທີ່ຜ່ານມາ ໄດ້ມີເຮືອສຳຫຼວດແມ່ນ້ຳຂອງຈາກບໍລິສັດ CCCC Second Habor Consultant ຈຳກັດ ເຊິ່ງເປັນບໍລິສັດທີ່ປຶກສາຈາກມົນທົນ ຢູນນານ ປະເທດຈີນ ໄດ້ເດີນທາງຈາກບ້ານມອມ ແຂວງ ບໍ່ແກ້ວ ສປປ.ລາວ ເຂົ້າສູ່ລຽບແຄມແມ່ນ້ຳຂອງຕາມເຂດຊາຍແດນລາວ – ໄທ ແລະ ເຂົ້າຈອດທຽບທ່າເຮືອແມ່ນ້ຳຂອງຊຽງແສນແຫ່ງທີ່ສອງ ພາຍໃນເຂດເທດສະບານ ຕຳບົນ ວຽງຊຽງແສນ,​ອຳເພີ ຊຽງແສນ,​ ຈັງຫວັດ ຊຽງລາຍ ຕາມໂຄງການຄວາມຮ່ວມມືໃນການສຳຫຼວດລຸ່ມແມ່ນ້ຳຂອງໃນເຂດຊາຍແດນລາວ – ໄທ ດ້ານທີ່ຕິດກັບ ຈັງຫວັດ ຊຽງລາຍ ໄດ້ມີເຮືອໃຫຍ່ 3 ຊັ້ນ, ນ້ຳໜັກ 450 ໂຕນ ເດີນທາງເຂົ້າມາຮ່ວມຈຳນວນ 3 ລຳ ແລະ ມີເຮືອນ້ອຍທີ່ເຄີຍເຂົ້າມາບໍລິເວນສາມຫຼ່ຽມທອງຄຳກ່ອນໜ້ານີ້ເດີນທາງມາຮ່ວມອີກ 4 ລຳ ໂດຍມີທ່ານ ຫລິວ ຈ້ຽນ ເປັນຫົວໜ້າຄະນະ ແລະ ມີລູກເຮືອຊາວຈີນເດີນທາງມາກັບເຮືອທັງໝົດຈຳນວນ 60 ຄົນ

ທ່ານ ຫລິວ ຈ້ຽນ ແຕ້ງໃຫ້ຮູ້ວ່າ ການສຳຫຼວດໃນເທື່ອນີ້ເປັນໄປຕາມໂຄງການສຳຫຼວດລຸ່ມແມ່ນ້ຳຂອງໂດຍມີກຳນົດດຳເນີນການສະເພາະເຂດນ້ຳທີ່ຕິດກັບຊາບແດນລາວ-ໄທ ເທົ່ານັ້ນ ລວມມີຈຳນວນ 15  ຈຸດ ການດຳເນີນການຈະເລີ່ມຫຼັງຈາກການເຮັດເລື່ອງເຂົ້າເມືອງ ແລະ ກວດສອບລາຍລະອຽດຕາມກົດໝາຍໄທທັງໝົດແລ້ວສຳເລັດ ໂດຍຈະເລີ່ມສຳຫຼວດຕັ້ງແຕ່ສາມລ່ຽມທອງຄຳ ໄປຈົນສຸດເຂດແດນທີ່ອຳເພີ ວຽງແກ່ນ ໂດຍໃຊ້ໄລຍະເວລາທີ່ກຳນົດທັງໝົດ 55 ມື້ໃຫ້ແລ້ວ.

ຄະນະຈາກຈີນທີ່ເຂົ້າມາສຳຫຼວດໃນເທື່ອນີ້ປະກອບມີ 4 ດ້ານຄື: ດ້ານຊົນສາດຄືຮ່ອງນ້ຳ, ຄວາມໄວນ້ຳ, ຄວາມເລິກຂອງນ້ຳຂອງ, ການໄຫລວຽນຂອງນ້ຳ, ດ້ານທໍລະນີສາດ, ສຳຫຼວດຊັ້ນຫີນ, ເກາະແກ່ງ, ດ້ານສະພາບພູມສັນຖານປະເທດຄື: ຕົ້ນໄມ້, ໂຄ່ນຫີນ ແລະ ດ້ານວິສະວະກຳ ເຊິ່ງຜົນການສຳຫຼວດທັງໝົດຈະມີການນຳຜົນໄປສຶກສາ ແລະ ເຮັດເປັນບົດລາຍງານສະຫຼຸບຜົນພ້ອມຜົນກະທົບດ້ານສິ່ງແວດລ້ອມ ຫຼື ອີໄອເອ ໂດຍທາງການຈີນຈະນຳສະເໜີຕໍ່ລັດຖະບານລາວ-ໄທ ເພື່ອນຳໄປພິຈາລະນາຕາມຂັ້ນຕອນຕໍ່ໄປ ຈາກນັ້ນຍັງມີຂັ້ນຕອນໃນການຈັດຕັ້ງຄະນະເຮັດວຽກຮ່ວມດ້ານອີໄອເອ ລົງພື້ນທີ່ສຳຫຼວດຊ້ຳອີກເທື່ອໜຶ່ງເຊັ່ນ: ເບິ່ງເລື່ອງຕາຝັ່ງເຊາະເຈື່ອນ, ວິຖີຊີວິດ ແລະ ການປະມົງ.

ບົດຄວາມຫຼ້າສຸດ

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...