ສຳນັກຂ່າວຕ່າງປະເທດລາຍງານເມື່ອວັນທີ 20 ເມສາ 2017 ວ່າ ທີມນັກບູຮານຄະດີ ໄດ້ຂຸດພົບມັມມີ່ ແລະໂລງສົບຫຼາຍສີສັນໃນສຸສານບູຮານ ທີ່ເມືອງລັກຊໍ ປະເທດອີຢິບ ເຊິ່ງເບື້ອງຕົ້ນພົບວ່າສູສານແຫ່ງນີ້ ມີອາຍູເກົ່າແກ່ 3.500 ກວ່າປີ, ນອກນີ້ ຍັງມີການຂຸດຄົ້ນພົບຮູບປັ້ນເຈົ້າຂອງຫຼຸມສົບກວ່າ 1,000 ອັນ ແລະວັດຖຸບູຮານອີກຈຳນວນຫຼາຍ ແລະຄາດວ່າມັມມີ່ນັ້ນ ຈະເປັນມັມມີ່ ຂອງບັນພະບູລຸດຂຸນນາງ ທີ່ເຄີຍເຮັດວຽກດູແລບ້ານເມືອງໃນສະໄໝນັ້ນ
ກະຊວງບູຮານຄະດີອີຢິບ ໄດ້ຖະແຫຼງການວ່າ ຫຼຸມຝັງສົບແຫ່ງ “ຣາຊະວົງທີ່ 18” ມີໂລງໄມ້ 10 ໂລງ ບັນຈຸມັມມີ່ຢ່າງໜ້ອຍ 8 ຮ່າງ ໃນສຸສານໃຕ້ດິນ ດຣາອະ ອາບັລ ນາກາ ໃກ້ກັບ “ ພູເຂົາກະສັດ” ທີ່ມີຊື່ສຽງ ໂດຍເປັນຫຼຸມສົບຂອງຂຸນນາງສູງສັກຄົນໜຶ່ງຊື່ “ ຢູເຊີຮັດ” ເຊິ່ງເຮັດໜ້າທີ່ເປັນຜູ້ພິພາກສາສະໄໝນັ້ນ