ບີບີຊີລາຍງານ ເມື່ອວັນທີ 19 ເມສາ 2017 ຜ່ານມາວ່າ ລັດນິວຟັນແລນ ປະເທດແຄນນາດາ ກຳລັງກາຍເປັນຈຸດດຶງດູດນັກທ່ອງທ່ຽວ ຫຼັງຈາກມີພູນໍ້າກ້ອນຂະໜາດໃຫຍ່ ເຄື່ອນຜ່ານຊ່ອງແຄບລະຫວ່າງເກາະນິວຟັນແລນ ກັບເມືອງລາບຣາດໍ ທີ່ຢູ່ເທິງແຜ່ນດິນໃຫຍ່ແຄນນາດາ ເຊິ່ງເປັນຊ່ອງແຄບທີ່ຮູ້ຈັກກັນດີໃນຊື່ “ຊ່ອງພູນໍ້າກ້ອນ” ຫຼື “ໄອເບຣີກ ອັລລີ” ໂດຍປາກົດວ່າມີ ນັກທ່ອງທ່ຽວພາກັນໄປຖ່າຍຮູບ ກັບພູນໍ້າກ້ອນຂະໜາດໃຫຍ່ນັ້ນຈຳນວນຫຼາຍ
ກ້ອນນໍ້າກ້ອນຂະໜາດໃຫຍ່ນີ້ ຖືເປັນກ້ອນນ້ຳກ້ອນທຳອິດຂອງລະດູການນີ້ ແລະຖືວ່າເປັນກ້ອນນໍ້າກ້ອນທີ່ໃຫຍ່ຫຼາຍ ຈຶ່ງເປັນໂອກາດດີຂອງຄົນໃນພື້ນທີ່ ທີ່ຈະໄດ້ເຫັນກ້ອນນໍ້າກ້ອນ ທີ່ມີຂະໜາດໃຫຍ່ແບບນີ້