ສະກາຍ ນິວສ໌ ລາຍງານເມື່ອວັນທີ 16 ເມສາ 2017 ຜ່ານມາວ່າ ນາງເອັມມາ ໂມຣາໂນ ແມ່ເຖົ້າທີ່ ກິນເນສ ເວິລ ເຣກຄອດ ປະກາດມອບໃບປະກາດຮັບຮອງໃຫ້ລາວ ເປັນບຸກຄົນທີ່ມີອາຍຸຫຼາຍທີ່ສຸດໃນໂລກ
ຫຼ້າສຸດ ມີການລາຍງານຈາກສື່ທ້ອງຖິ່ນວ່າ ລາວໄດ້ເສຍຊີວິດລົງຢ່າງສະຫງົບເມື່ອວັນທີ 15 ເມສາ 2017 ຜ່ານມາ ຕາມເວລາທ້ອງຖິ່ນ
ແມ່ເຖົ້າ ໂມຣາໂນ ເກີດເມື່ອວັນທີ 29 ພຶດສະພາ 1899 ໄດ້ເສຍຊີວິດ ຢູ່ບ້ານພັກແຄມທະເລສາບ ແມກຈິໂອເຣ ໃນເມືອງເວີບາເນຍ ທາງເໜືອຂອງປະເທດອີກຕາລີ ລວມອາຍຸໄດ້ 117 ປີ 137 ວັນ, ທັງນີ້ ແມ່ເຖົ້າ ໂມຣາໂນ ຖືເປັນຄົນສຸດທ້າຍທີ່ເກີດໃນສະຕະວັດທີ 19