ຂີ້ໄຄ ເກີດຈາກຫຼາຍສາເຫດ ທັງຈາກກາຍະພາບຂອງແຕ່ລະຄົນ, ອຸນຫະພູມ, ສະພາບແວດລ້ອມ ໂດຍສະເພາະຄົນທີ່ເຮັດວຽກໃນບ່ອນທີ່ແດດ, ມີເຫື່ອອອກຫຼາຍໝົດມື້ ຈະເຮັດໃຫ້ມີຂີ້ໄຄຫຼາຍກວ່າຄົນທີ່ເຮັດວຽກໃນຫ້ອງການຢ່າງແນ່ນອນ ແລະບາງຄັ້ງຍັງສົ່ງຜົນເຮັດໃຫ້ເກີດກິ່ນຕົວທີ່ຮຸນແຮງ ດັ່ງນັ້ນການນຳວິທີຂັດຂີ້ໄຄມາໃຊ້ໃຫ້ຖືກຕ້ອງ ຈຶ່ງມີຄວາມສຳຄັນຫຼາຍ
- ໃຊ້ເກືອຂັດຜິວ: ເກືອຂັດຜິວທີ່ປະສົມວິຕາມິນຫຼາຍໆຊະນິດ ຄວນຊື້ມາຂັດຜິວອາທິດລະ 2 ຄັ້ງ ເພື່ອຊ່ວຍໃນເລື່ອງຂອງການຂັດເຊວຜິວ ແລະກຳຈັດຄາບເຫື່ອໄຫຼຕ່າງໆ ໃຫ້ຫຼຸດອອກໄປໃຫ້ໝົດ
- ອາບດ້ວຍນໍ້າອຸ່ນ: ດ້ວຍການອາບນໍ້າສະບູຕາມປົກກະຕິ ຈາກນັ້ນເຊັດຕົວໃຫ້ພໍໝາດໆ ແລ້ວເອົາຜ້າຈຸບນໍ້າອຸ່ນຜືນນ້ອຍ ຂັດໃຫ້ທົ່ວຜິວ ເຮັດໃຫ້ຂີ້ໄຄຫຼຸດອອກມາຢ່າງງ່າຍດາຍ, ເມື່ອຂັດທົ່ວແລ້ວ ກໍອາບນໍ້າຊຳລະຮ່າງກາຍອີກຄັ້ງ
- ຂັດຜິວດ້ວຍກາກກາເຟ: ດ້ວຍການເອົາກາກກາເຟຈາກຮ້ານກາເຟສົດ ແລ້ວເອົາມາຂັດຜິວຂອງເຮົາໃຫ້ທົ່ວ ຈະຊ່ວຍຂັດຂີ້ໄຄໃຫ້ອອກໄດ້ດີ ແລະຊ່ວຍໃຫ້ຜິວນຸ່ມອີກດ້ວຍ ຫຼືອາດເພີ່ມນົມສົດ ຫຼືປາກຂາມປຽກເພີ່ມກໍໄດ້
- ກຳຈັດຂີ້ໄຄດ້ວຍໝາກຂາມປຽກ: ໃຫ້ເອົາໝາກຂາມປຽກຂັດຜິວຈົນທົ່ວ ແລ້ວປະໄວ້ 3-5 ນາທີ ແລ້ວເອົາໃຍບວບມາຂັດຊໍ້າອີກຄັ້ງ ແຕ່ຄວນຂັດຄ່ອຍໆດ້ວຍມື, ຈາກນັ້ນກໍລ້າງອອກ ແລ້ວອາບນໍ້າຟອກສະບູຕາມປົກກະຕິ, ວິທີນີ້ເຮັດອາທິດລະ 2 ເທື່ອ ຈະຊ່ວຍຂັດຂີ້ໄຄໄດ້ດີ ແລະເຮັດໃຫ້ຜິວນຸ້ມອີກດ້ວຍ
- ຂັດຂີ້ໄຄດ້ວຍມື: ກ່ອນທີ່ຈະອາບນໍ້າ ໃຫ້ເອົານໍ້າຫົດຕົວໃຫ້ພໍຊຸ່ມ ແລ້ວເອົາມືເຮົາຄ່ອຍໆຖູ ຈະເຮັດໃຫ້ຄາບຂີໄຄຕ່າງໆ ທີ່ມີຢູ່ຫຼຸດອອກມາ ແຕ່ຄວນຄ່ອຍເຮັດ ບໍ່ດັ່ງນັ້ນຈະເຮັດໃຫ້ຕົນຕົວແດງໄດ້