ໝາກໄມ້ 5 ຊະນິດຕໍ່ໄປນີ້ ຊ່ວຍດູແລຜິວພັນ, ມີປະໂຫຍດຫຼາຍອາດບໍ່ພຽງແຕ່ບຳລຸງຜິວເທົ່ານັ້ນ ແຕ່ຍັງຊ່ວຍບຳລຸງເນື້ອເຍື່ອ ແລະເຊວຕ່າງໆໃນຮ່າງກາຍຂອງເຮົາໃຫ້ແຂງແຮງອີກດ້ວຍ, ເຊິ່ງອາຫານປະເພດໝາກໄມ້ ກໍສາມາດໃຊ້ສານອາຫານຫຼັກເຊັ່ນ: ໂປຣຕີນ, ທາດເຫຼັກ, ລວມເຖິງກົດອະມິໂນທີ່ສຳຄັນຕ່າງໆໄດ້ເຊັ່ນດຽວກັບອາຫານ ໃນໝວດເຂົ້າ, ແປ້ງ, ໄຊມັນ
- ໝາກພິລາ: ຜົນການວິໄຈໃນສະຫະລັດພົບວ່າ ໝາກພິລາ ສາມາດປິ່ນປົວຄົນທີ່ເປັນເບົາຫວານໄດ້ ດ້ວຍຄຸນສົມບັດຊ່ວຍເກັບເມັດເລືອດແດງ ໂດຍໃຊ້ຜູ້ປ່ວຍເບົາຫວານຈຳນວນ 10 ຄົນ ດື່ມນໍ້າໝາກພິລາຄັ້ນສົດວັນລະ 1 ຈອກກາງ ເປັນເວລາ 3 ເດືອນ ຈະເຮັດໃຫ້ຮ່າງກາຍມີລະດັບອິນຊູລິນໃນກະແສເລືອດຫຼຸດລົງ, ລະບົບໄຫຼວຽນເລືອດເປັນປົກກະຕິ, ອາການອ່ອນເພຍ ແລະຜົມຫຼົ່ນຫຼຸດລົງ
- ໝາກມັງກອນ: ອຸດົມດ້ວຍໂປຣຕີນ ຊ່ວຍໃຫ້ຜິວເຕັ່ງຕຶງ ມີຜົນການວິໄຈພົບວ່າ ໝາກມັງກອນສີແດງ ດີຕໍ່ລະບົບໄຫຼວຽນຂອງເລືອດ ແລະມີທາດເຫຼັກໃນປະລິມານຫຼາຍ ເໝາະກັບການສ້າງເຊວເມັດເລືອດ
- ສະຕໍເບີລີ: ມີວິຕາມິນຊີທີ່ຊ່ວຍບຳລຸງເຊວເມັດເລືອດແດງ, ແກ່ນນ້ອຍໆທີ່ຢູ່ໃນສະຕໍເລີລີ ຈະຊວ່ຍລຳລຽງອົກຊີແຊນໃນຂະບວນການກຳຈັດເລືອດເສຍ
- ໝາກກ້ວຍ: ມີແຮ່ທາດແມັກນີຊຽມ ທີ່ຊ່ວຍບຳລຸງຜິວທີ່ຂາວຊີດ ໃຫ້ກັບມາເຕັ່ງຕຶງ, ຖ້າກິນກ້ວຍເປັນປະຈຳທຸກວັນ ຈະຊ່ວຍຫຼຸດຄວາມສ່ຽງເປັນພະຍາດລູຄີເມຍ (ມະເຮັງເມັດເລືອດຂາວ) ໂດຍສະເພາະໃນເດັກນ້ອຍໃນຊ່ວງອາຍຸ 0-2 ປີ
- ໝາກໂມ: ມີການວິໄຈພົບວ່າ ຫາກກິນໝາກໂມເຄິ່ງໜ່່ວຍຕໍ່ວັນ ຈະດີຕໍ່ລະບົບໄຫຼວຽນຂອງເລືອດ ເພາະກົດອະມິໂນອາຈີໂນ ທີ່ຮ່າງກາຍປ່ຽນໃຫ້ເປັນສານໃນຕຣິກອອກໄຊ ເຮັດໃຫ້ເລືອດສົມບູນຂຶ້ນ ຮ້ອຍລະ 22 ຈຶ່ງຊ່ວຍປ້ອງກັນພາວະກ້າມເນື້ອຫົວໃຈຕາຍ ແລະພາວະຫຼອດເລືອດແຂງໂຕ
ນອກຈາກທີ່ກ່າວມາຂ້າງເທິງນັ້ນແລ້ວ ຍັງມີວິທີທີ່ງ່າຍໆຄື ການດື່ມນໍ້າໃຫ້ຫຼາຍ ເຊິ່ງຈະຊ່ວຍໃຫ້ເລືອດຂອງເຮົາບໍ່ມີລັກສະນະຂຸ້ນໜຽວຈົນເກີນໄປ ແລະການອອກກຳລັງກາຍທຸກວັນ ເພື່ອກະຕຸ້ນໃຫ້ເລືອດໄຫຼວຽນຢູ່ຕະຫຼອດເວລາ ພຽງເທົ່ານີ້ກໍຈະຊ່ວຍປ້ອງກັນຮ່າງກາຍຂອງເຮົາ ໃຫ້ຫ່າງໄກບັນຫາສຸຂະພາບທັງໃນໄລຍະສັ້ນ ແລະໄລຍະຍາວໄດ້ອີກດ້ວຍ