ບໍລິສັດສະຕາຣ໌ອັບ ໃນຝຣັ່ງ ມີໄອເດຍໃໝ່ ຫາກບໍ່ຕ້ອງການພົບບັນຫາລົດຕິດ ແລະບໍ່ມີບັນຫາເອີ້ນແທັກຊີ່ຍາກອີກຕໍ່ໄປ ກັບນະວັດຕະກຳແທັກຊີ່ແລ່ນເທິງນໍ້າ  “SeaBubbles”  ຍານພາຫະນະເພື່ອອະນາຄົດແບບໃໝ່ ທີ່ຂັບເຄື່ອນດ້ວຍແບັດເຕີຣີ່ໄຟຟ້າ ມີລັກສະນະຄ້າຍກັບເຮືອແຕ່ລອຍຢູ່ເທິງນໍ້າເລັກໜ້ອຍ

ແທັກຊີ່  “SeaBubbles”  ນີ້ຈະເອີ້ນໄດ້ໂດຍໃຊ້ການບໍລິການຜ່ານແອັບພິເຄຊັ່ນສະມາດໂຟນຕາມຈຸດທ່າເຮືອຕ່າງໆ ທີ່ສາກພະລັງງານໃຫ້ກັບ  “SeaBubbles”  ໄດ້ ສາມາດບັັນຈຸຄົນໄດ້ 5 ຄົນລວມທັງຄົນຂັບ ແລະແລ່ນໄດ້ດ້ວຍຄວາມໄວສູງສຸດ 30 ກິໂລແມັດຕໍ່ຊົ່ວໂມງ ໂດຍບໍ່ມີສຽງເຄື່ອງໃດໆ

ແນວໃດກໍຕາມ  “SeaBubbles”  ຍັງເປັນພຽງຕົ້ນແບບ ແລະກໍາລັງຢູ່ໃນຊ່ວງພັດທະນາ ແລະຄາດວ່າຈະມີການທົດສອບໃຊ້ງານໃນແມ່ນໍ້າແຊນ ຢູ່ນະຄອນຫຼວງປາຣີ ເປັນແຫ່ງທຳອິດໃນໄວໆນີ້ ກ່ອນທີ່ຈະຕໍ່ຍອດນໍາມາໃຊ້ໃນຂົນສົ່ງແບບຖາວອນຕໍ່ໄປ