ສູດນໍ້າສະໝຸນໄພລ້າງໝາກໄຂ່ຫຼັງ ຂັບທາງນໍ້າປັດສະວະ, ໝາກໄຂ່ຫຼັງ ເປັນອະໄວຍະວະ ທີ່ເຮັດໜ້າທີ່ຕອງເອົາສິ່ງເສດເຫຼືອ ອອກຈາກເລືອດ ແລະຂັບອອກມາພ້ອມກັບນໍ້າໃນຮູບຂອງປັດສະວະ ເນື່ອງຈາກໝາກໄຂ່ຫຼັງ ແລະພົກນໍ້າປັດສະວະເຮັດວຽກສຳພັນກັນ, ເມື່ອໃດໝາກໄຂ່ຫຼັງເຮັດວຽກຜິດປົກກະຕິ ຈຶ່ງສົ່ງຜົນໃຫ້ພົກນໍ້າປັດສະວະຜິດປົກກະຕິໄປນຳ ແລະຈະເກີດອາການຜິດປົກກະຕິເຊັ່ນ: ຖ່າຍເບົາລຳບາກ, ເຂັບ, ໄປຖ່າຍເບົາຕະຫຼອດ, ນໍ້າປັດສະວະເປັນຟອງຫຼາຍເກີນໄປ ຫຼືບາງຄົນອາດຈະປັດສະວະເປັນເລືອດກໍເປັນໄດ້ ເຊິ່ງອາການເຫຼົ່ານີ້ ເກີດຈາກການກິນອາຫານລົດຊາດເຜັດ ຫຼືຜູ້ທີ່ມັກກິນອາຫານມັນຕະຫຼອດ ດັ່ງນັ້ນ ຕ້ອງມີການດູແລ ແລະຮັກສາສຸຂະພາບໝາກໄຂ່ຫຼັງຂອງເຮົາໃຫ້ດີຢູ່ສະເໝີ ດ້ວຍສະໝຸນໄພພື້ນບ້ານທີ່ເຮົາຊອກຫາໄດ້ ແລະເຮັດເອງໄດ້ງ່າຍໆ
# ສ່ວນປະກອບ:
- ຫອມບົ່ວແດງ 1 ຂີດ
- ຂ່າ 1 ຂີດ
- ຫົວສີໄຄ 1 ຂີດ
- ກະຊາຍ 1 ຂີດ
- ໃບຂີ້ຫູດ 1 ຂີດ
- ໃບໝາກນາວ 1 ຂີດ
- ໃບຜັກຫອມລາບ 1 ຂີດ
# ວິທີເຮັດ:
ເອົາສະໝຸນໄພທັງໝົດນັ້ນ ມາລ້າງໃຫ້ສະອາດ ລົງໄປໃນໝໍ້ ແລ້ວເອົານໍ້າໃສ່ໃຫ້ຖ້ວມ ຕົ້ມໃຫ້ຟົດແລ້ວຄ່ອຍປົງ ຈາກນັ້ນເອົາມາດື່ມໃຫ້ໝົດໃນ 1 ມື້
# ອັດຕາການໃຊ້:
1 ໝໍ້ຕໍ່ 1 ວັນ ບໍ່ຄວນເອົາມາຕົ້ມອີກ ຄວນປ່ຽນໃໝ່ທຸກຄັ້ງ ຄວນເຮັດດື່ມຕິດຕໍ່ກັນໜຶ່ງອາທິດ ຈະເຫັນຜົນດີ ຈາກນໍ້າປັດສະວະດີຫຼາຍ