ກ້ວຍນອກຈາກມີສັບພະຄຸນທາງໂຄສະນາການແລ້ວ ທ່ານຮູ້ ຫຼືບໍ່ວ່າ ເປືອກກ້ວຍຍັງມີປະໂຫຍດໃນການເຮັດໃຫ້ແຂ້ວຂາວໄດ້ ໂດຍທີ່ບໍ່ຕ້ອງເພິ່ງຢາເຄມີ ທີ່ເຮັດໃຫ້ແຂ້ວເປັນອັນຕະລາຍໄດ້ອີກດ້ວຍ
ສຳລັບການເຮັດນັ້ນ ຕ້ອງກຽມດ້ວຍການຖູແຂ້ວດ້ວຍຢາສີແຂ້ວປົກກະຕິ ເພື່ອເອົາຄາບເປື້ອນອອກຈາກແຂ້ວໃຫ້ຮຽບຮ້ອຍກ່ອນ, ຈາກນັ້ນຄ່ອຍກຽມເປືອກກ້ວຍສຸກ ເຊິ່ງເປັນຊ່ວງທີ່ເປືອກກ້ວຍ ມີໂປແຕສຊຽມສູງ
ເອົາເປືອກກ້ວຍໃນສ່ວນດ້ານໃນ ຖູຄ່ອຍໆ ບໍລິເວນແຂ້ວໂດຍຮອບໃຫ້ທົ່ວ ເປັນເວລາ 2 ນາທີ ແຮ່ທາດຕ່າງໆ ຈາກເປືອກກ້ວຍເຊັ່ນ: ໂປແຕສຊຽມ, ແມັກນີຊຽມ ແລະແມງການີສ ຊຶມເຂົ້າໄປໃນແຂ້ວ ເຊິ່ງມີຄຸນສົມບັດທີ່ຈະເຮັດໃຫ້ແຂ້ວຂາວຂຶ້ນ
ໃນເວລາກາງຄືນກ່ອນນອນ ສາມາດເອົາເປືອກກ້ວຍມາຖູ ໃຫ້ດົນຂຶ້ນກວ່າເກົ່າ ເພື່ອຕ້ອງການໃຫ້ຄາບເປື້ອນ ທີ່ເຮົາບໍ່ຕ້ອງການຫຼຸດອອກມາ ຄວນໃຊ້ເປືອກກ້ວຍທຳຄວາມສະອາດເປັນປະຈຳ ວັນລະ 2 ເທື່ອ ເພື່ອໃຫ້ແຂ້ວຂາວຂຶ້ນຢ່າງທຳມະຊາດ, ພຽງເທົ່ານີ້ ທ່ານຈະໄດ້ແຂ້ວຂາວຢ່າງເປັນທຳມະຊາດ ສັງເກດເຫັນໄດ້ໃນ 2 ອາທິດ ລວມທັງປະຢັດເງິນຂອງທ່ານໄດ້ອີກ