ຮູຂຸມຂົນເທິງໃບໜ້າ ໂດຍສະເພາະຮູຂຸມຂົນກວ້າງ ເຊິ່ງເປັນບັນຫາຜິວ ທີ່ເຮັດໃຫ້ສາວໆຫຼາຍໆຄົນມີຄວາມຕຶງຄຽດກັບມັນ, ມື້ນີ້ລາວໂພສຕ໌ ຈະມາແນະນຳ ວິທີແກ້ຮູຂຸມຂົນເທິງໃບໜ້າແບບງ່າຍໆ ທີ່ໄດ້ຜົນ ແລະປອດໄພ, ສຳລັບວິທີກະຊັບຮູຂຸມຂົນກວ້າງ ເທິງໃບໜ້າສາມາດເຮັດໄດ້ງ່າຍໆ ສາວໆສາມາດແກ້ໄຂບັນຫາຮູຂຸມຂົນກວ້າງດ້ວຍສູດກະຊັບຮູຂຸມຂົນ ຈາກວິທີທຳມະຊາດດັ່ງນີ້:
- ໝາກເລັ່ນ: ພອກໜ້າດ້ວຍໝາກເລັ່ນວັນລະ 15 ນາທີ ກ່ອນທີ່ຈະລ້າງອອກດ້ວຍນໍ້າເຢັນ ຈະຊ່ວຍບຳລຸງຜິວໃຫ້ສົດຊື່ນ, ບໍ່ແຫ້ງ, ມີສານຕ້ານອະນຸມູນອິດສະລະ ທີ່ຊ່ວຍຫຼຸດ ແລະຢັບຢັ້ງການແກ່ກ່ອນໄວ ສາມາດເຮັດໃຫ້ຜິວໜ້າເຕັ່ງຕຶງ, ປົວສິວ ແລະຊ່ວຍກະຊັບຮູຂຸມຂົນ
- ນວດໜ້າດ້ວຍນໍ້າກ້ອນ: ພຽງແຕ່ເອົານໍ້າກ້ອນສະອາດມານວດ ຫຼືປະຄົບເທິງໃບໜ້າ ຫຼືຖ້າເຢັນຫຼາຍກໍໃຊ້ຜ້າບາງໆ ຫໍ່ນໍ້າກ້ອນກ່ອນທີ່ເອົາມານວດ, ຈາກນັ້ນເອົາມານວດຖູໜ້າຄ່ອຍໆ ແລະເນັ້ນບໍລິເວນທີ່ມີຮູຂຸມຂົນກວ້າງ ເຮັດຕະຫຼອດທຸກເຊົ້າ ແລະກ່ອນນອນປະມານ 15-30 ວິນາທີ ຈະຊ່ວຍໃຫ້ຮູຂຸມຂົນກະຊັບ ແລະນ້ອຍລົງໄດ້
- ໝາກນາວ: ພຽງແຕ່ເອົານໍ້າໝາກນາວປະມານ 1 ບ່ວງແກງປະສົມກັບນໍ້າເຜິ້ງ ຈາກນັ້ນເອົາໄປພອກໃຫ້ທົ່ວໃບໜ້າ ຈະຊ່ວຍຫຼຸດບັນຫາຮູຂຸມຂົນໄດ້
- ນໍ້າເຜິ້ງ: ດ້ວຍການເອົານໍ້າເຜິິ້ງໄປປະສົມກັບໂຢເກິດ ແລ້ວເອົາມາພອກນ້າ 15 ນາທີ ຫຼືເອົາມານວດໜ້າ ຈະຊ່ວຍຫຼຸດບັນຫາຮູຂຸມຂົນໄດ້
- ນໍ້າຕານຊາຍ: ດ້ວຍການເອົານໍ້າຕານຊາຍ ປະສົມກັບນໍ້າເຜິ້ງ ແລະນໍ້າມັນໝາກກອກ ແລ້ວເອົາໄປທາ ບໍລິເວນໃບໜ້າແລ້ວຂັດຄ່ອຍໆ ເນັ້ນບ່ອນທີ່ຮູຂຸມຂົນກວ້າງ ແລະຜິວມັນ ຈາກນັ້ນປະໄວ້ 3-4 ນາທີ ແລ້ວລ້າງອອກດ້ວຍນໍ້າເຢັນ
- ໝາກແຕງກວາ: ພຽງແຕ່ເອົາໝາກແຕງກວາ 1 ໜ່ວຍ ມາປາດເປັນປ່ຽງ ແລ້ວບົດລະອຽດ ຈາກນັ້ນເອົາໄປປະສົມກັບນໍ້າໝາກນາວ 2-3 ຢອດ ແລ້ວເອົາມາພອກໜ້າ ປະໄວ້ປະມານ 15-20 ນາທີ ຈຶ່ງລ້າງອອກດ້ວຍນໍ້າສະອາດ ຈະຊ່ວຍຫຼຸດບັນຫາຮູຂຸມຂົນກວ້າງໃຫ້ກະຊັບ