ສ່ວນປະສົມຂອງນໍ້າເຜິ້ງ ແລະຫົວຫອມບົ່ວ ເປັນຢາແກ້ໄອທຳມະຊາດສູດບູຮານ ເຊິ່ງໃຊ້ມາດົນນານຫຼາຍສະຕະວັດ, ເຊິ່ງສ່ວນປະສົມຂອງມັນຫາງ່າຍ ແລະມີໃຫ້ເຫັນຕະຫຼອດທັງປີ. ນອກຈາກນີ້ ຍັງເປັນການປິ່ນປົວດ້ວຍວິທີທຳມະຊາດ ທີ່ບໍ່ມີສານເຄມີທີ່ເປັນອັນຕະລາຍ, ບໍ່ມີວັດຖຸກັນບູດ, ບໍ່ມີສານສັງເຄາະ ທີ່ຈະເຮັດໃຫ້ເປັນສານພິດ ທີ່ກໍ່ໃຫ້ເກີດພະຍາດແຊກຊ້ອນຕໍ່ສຸຂະພາບ
ສ່ວນປະສົມ:
- ນໍ້າເຜິ້ງບໍລິສຸດ 2-3 ບ່ວງແກງ
- ຫົວຫອມບົ່ວ 1 ຫົວ
ວິທີເຮັດ:
ໃຊ້ມີດຄົມໆ ປອກເປືອກຫົວຫອມບົ່ວອອກ ແລະຊອຍເປັນຕ່ອນບາງໆ ຈາກນັ້ນເອົາໄປໃສ່ໄວ້ໃນຖ້ວຍ ແລ້ວຖອກນໍ້າເຜິ້ງລົງໄປໃນຫົວຜັກບົ່ວຊອຍນັ້ນໃຫ້ທົ່ວ.
ເມື່ອເຮົາເອົາສ່ວນປະສົມຄົນໃສ່ກັນຮຽບຮ້ອຍແລ້ວ ກໍປະໄວ້ໃນໝົດຄືນໃນອຸນຫະພູມຫ້ອງ ເຊົ້າມື້ຕໍ່ມາໃຫ້ໃຊ້ຜ້າຕອງໜາໆ ຕອງສ່ວນປະສົມນັ້ນ, ຈາກນັ້ນໃຫ້ກິນທັນທີ ເຈົ້າຈະຮູ້ສຶກຫາຍໃຈສະດວກຂຶ້ນ ແລະອາການໄອຂອງເຈົ້າ ຈະໄດ້ຮັບການປິ່ນປົວໃຫ້ຫາຍດີທັນທີ