ບັນຫາຜົມຫຼົ່ນ ເປັນບັນຫາໜຶ່ງທີ່ຫຼາຍໆຄົນພົບ ເຊິ່ງບາງຄົນຜົມຫຼົ່ນຈົນຜົມບາງ ຫຼືເຮັດໃຫ້ບາງຄົນຫົວລ້ານເລີຍກໍມີ ເຮັດໃຫ້ຫຼາຍຄົນພະຍາຍາມທີ່ຈະຊອກຫາທາງແກ້ໄຂໃຫ້ໄວເທົ່າທີ່ເປັນໄປໄດ້, ປັດໄຈບາງຢ່າງ ທີ່ເຮັດໃຫ້ຫົວລ້ານ ຫຼືຜົມບາງ ເກີດຈາກຄວາມບໍ່ສົມດູນຂອງໂຮໂມນ, ຄວາມຕຶງຄຽດທາງຮ່າງກາຍ ຫຼືຈິດໃຈຫຼາຍເກີນໄປ, ການຂາດສານອາຫານ, ພະຍາດພູມແພ້ ມົນລະພິດ, ການໃຊ້ຜະລິດຕະພັນທີ່ມີສານພິດສະສົມຢູ່, ການຖ່າຍທອດທາງກຳມະພັນ ແລະການເບິ່ງແຍງເສັ້ນຜົມທີ່ບໍ່ໄດ້ດີເທົ່າທີ່ຄວນ, ມື້ນີ້ ລາວໂພສຕ໌ ມີບົດຄວາມດີໆ ທີ່ຈະມານຳສະເໜີ ສູດທີ່ຊ່ວຍຜົມປົ່ງຢ່າງວ່ອງໄວ ແລະຍາວໄວ ໂດຍການໃຊ້ນໍ້າຫົວຫອມບົ່ວ
ສ່ວນປະສົມ:
- ຫົວຫອມບົ່ວຂະໜາດກາງ 4 ຫົວ
- ນໍ້າ 1 ລິດ
ວິທີເຮັດ: ເລີ່ມຈາກຊອຍຫົວຫອມບົ່ວເປັນຕ່ອນນ້ອຍໆ ແລະຖອກນໍ້າ 1 ລິດລົງໃນໝໍ້, ຈາກນັ້ນໃຫ້ໃສ່ຫົວຫອມບົ່ວລົງໃນນໍ້າ ແລະຕົ້ມໃຫ້ຟົດປະມານ 10 ນາທີ ແລ້ວປົງປະໄວ້ໃຫ້ເຢັນ ແລ້ວກໍຕອງເອົານໍ້າອອກຈາກຫົວຫອມບົ່ວນັ້ນ
ວິທີໃຊ້: ທຳອິດກໍສະຜົມດ້ວຍຢາສະຜົມຕາມປົກກະຕິ, ຈາກນັ້ນຈຶ່ງຄ່ອຍສະຜົມອີກຄັ້ງໜຶ່ງດ້ວຍນໍ້າຫົວຜັກບົ່ວ ເຊິ່ງເຮັດແບບນີ້ອາທິດລະ 2 ຄັ້ງ, ທ່ານເຮັດໃນເວລາບໍ່ດົນ ຈະສັງເກດເຫັນການປ່ຽນແປງທີ່ດີຂຶ້ນ ເຮັດໃຫ້ຜົມດຳ ແລະຍາວໄວ ພ້ອມມີຜົມທີ່ໜາຂຶ້ນອີກດ້ວຍ