ໂຣກພິດໝາບ້າ ຫຼາຍຄົນອາດສົງໃສວ່າ ສັດລ້ຽງຂອງເຮົາທັງໝາແມວ ທີ່ເຮົາລ້ຽງຢູ່ດີໆ ຈະມີໂອກາດກັດເຮົາຢ່າງບໍ່ຮູ້ສາເຫດໄດ້ຫຼື ບໍ່ ຕ້ອງຂໍຕອບເລີຍວ່າ “ໄດ້” ຫາກໝາແມວເຫຼົ່ານັ້ນຕິດເຊື້ອພິດໝາບ້າ
ໃນຄໍລຳສຸຂະພາບມື້ນີ້ແອັດມິນຈະມີວິທີສັງເຫດສັດລ້ຽງຈາກໂຣກພິດໝາບ້າ ມານຳສະເໜີໃຫ້ທຸກຄົນໄດ້ຮູ້ຈັກໄປພ້ອມໆກັນ
- ສັດລ້ຽງມີນິໃສແປກໄປກວ່າເກົ່າ ຈາກທີ່ເຄີຍມັກຫຼິ້ນຢອກກັບເຈົ້າຂອງ ອາດຈະຄ່ອຍໆແຍກຕົວອອກໄປຢູ່ຕົວດຽວ
- ໃຈຮ້າຍງຸດງິດງ່າຍ ຫຼື ຢ້ານກົວເຈົ້າຂອງ ຫຼື ຢ້ານຄົນເຂົ້າມາໃກ້ຈາກທີ່ເຄີຍຄຸ້ນກັບມະນຸດ
- ກັດສິ່ງຂອງອື່ນໆຢ່າງຮຸນແຮງ
- ແລ່ນໄປມາຢ່າງບໍ່ມີຈຸດໝາຍ
- ສະແດງອາການດຸຮ້າຍ ກັດ ເຫົ່າ ບໍ່ເລືອກໜ້າ
- ຫາກຈັບໃສ່ກົງ ຈະກັດກົງຈົນປາກເປັນບາດ ແຂ້ວຫັກ ເລືອດໄຫລ ແຕ່ບໍ່ສະແດງອາການເຈັບປວດ
- ສຽງເຫົ່າຫອນຜິດປົກກະຕິ ເນື່ອງຈາກກ່ອງສຽງເປັນອຳມະພາດ
- ແລບລີ້ນ, ນ້ຳລາຍໄຫລ ເພາະກ້າມເນື້ອທີ່ຄວບຄຸມການຢ້ຳ ຫຼື ກີນເປັນອຳມະພາດ
- ສັດລ້ຽງທຳທ່າຮາກ ຫຼື ຄາກຄ້າຍກັບມີສິ່ງຄາຄໍ
ສ່ວນໄລຍະເວລາທີ່ສັດລ້ຽງສະແດງອາການນັ້ນ 1-7 ມື້ກ່ອນຈະເຂົ້າສູ່ຊ່ວງອຳມະພາດ ລົ້ມແລ້ວລຸກບໍ່ໄດ້ ແລະ ຈະຕາຍໃນເວລາຕໍ່ແມ່
ຫາກທ່ານມີໝາ ຫຼື ແມວກັດ
ແບບໃດທີ່ຄວນໄປພົບແພດ ແບບທີ 1 ຫາກຖືກກັດ ຫຼື ຂູດແບບບໍ່ມີບາດແຜ ແມ່ນບໍ່ຕ້ອງໄປພົບແພດ
ແບບທີ 2 ຫາກຖືກກັດ ຫຼື ຖືກຂູດ ເປັນຮອຍລອກໆ ໃຫ້ໄປພົບແພດເພື່ອຊັກຢາວັກຊີນປ້ອງກັນໂຣກ
ແບບທີ 3 ຫາກກັດຈົນເຫັນເປັນບາດແຜຊັດເຈນ ເລືອດໄຫລ ຕ້ອງໄປພົບແພດເພື່ອຊັກວັກຊິນ ແລະ RIG
(Rabies Immunoglobulin) ເພື່ອປ້ອງກັນໂຣກພິດໝາບ້າ