ເອພີລາຍງານ ເມື່ອວັນ 28 ມີນາ 2017 ວ່າ ປະທານາທິບໍດີ ໂດນັລ ທຣັມ ຜູ້ນຳສະຫະລັດອາເມລິກາຄົນປັດຈຸບັນ ລົງນາມໃນຄຳສັ່ງຍົກເລີກກົດລະບຽບຂອງລັດຖະບານວ່າດ້ວຍການຄຸ້ມຄອງພາວະໂລກຮ້ອນໃນສະໃໝລັດຖະບານ ບາຣັກ ໂອບາມາແລ້ວ ພ້ອມປະກາດເລີ່ມຍຸກໃໝ່ຂອງການຜະລິດພະລັງງານໃຫ້ຢຸດຕິສົງຄາມກັບພາກອຸດສາຫະ ກຳຖ່ານຫີນ ແລະ ລົລ້າງກົດລະບຽບທີ່ຂັດຂວາງການສ້າງງານໃຫ້ຊາວອາເມລິກັນ

ບັນດານັກອະນຸລັກສິ່ງແວດລ້ອມ ຮວມເຖິງອະດີດຮອງປະທານາທິບໍດີ ອັລ ກໍຣ ໄດ້ປະນາມການຕັດສິນໃຈດັ່ງກ່າວ ແຕ່ທຣັມຍັງຢືນຢັນໃນພິທີການລົງນາມທີ່ມີບັນດາເຈົ້າຂອງກິດຈະການເໝືອງຖ່ານຫີນເຂົ້າຮ່ວມ ວ່າຕ້ອງເຮັດເພື່ອສ້າງງານໃນອາເມລິກາ ແລະ ນຳຄວາມຮັ່ງມີກັບຄືນມາ

ສຳລັບກົດລະບຽບເກົ່າທີ່ໂອບາມາກຳນົດໄວ້ ມີຂຶ້ນເພື່ອຄຸ້ມຄອງປະລິມານການປ່ອຍກ໊າຊຄາບອນໄດອອກໄຊຂຶ້ນສູ່ບັນຍາກາດ ຈົນເຮັດໃຫ້ບັນດານັກການເມືອງຂອງພັກ ຣີພັບລິກັນທີ່ມີກຳໄລຈາກອຸດສະຫະກຳນ້ຳມັນ ແລະ ຖ່ານ ຫີນຂຸ່ນເຂືອງໃຈມາແລ້ວ ສ່ວນການປ່ຽນແປງຂອງລັດຖະບານທຣັມໃນຄັ້ງນີ້ ໄດ້ເຮັດໃຫ້ກຸ່ມອະນຸລັກສິ່ງແວດລ້ອມປະກາດຕໍ່ສູ້ດ້ວຍການນຳເລື່ອງເຂົ້າສູ່ຂະບວນການສານ

ກ່ອນໜ້າທີ່ ທຣັມ ໄດ້ກ່າວວ່າ ເລື່ອງໂລກຮ້ອນເປັນເລື່ອງຫຼອກລວງທີ່ຈີນສ້າງຂຶ້ນມາເພື່ອໂຈມຕີອຸດສະຫະກຳຖ່ານຫີນຂອງສະຫະລັດອາເມລິກາ ແລະ ເຮັດໃຫ້ການສ້າງງານໃຫ້ຊາວອາເມລິກັນຢຸດຕິລົງ.