ຊີເອັນເອັນລາຍງານເມື່ອວັນທີ 28 ມີນາ 2017 ຜ່ານມາວ່າ ນັກວິທະຍາສາດ ໄດ້ຄົ້ນພົບຮອຍຕີນໄດໂນເສົາ ຮອຍໃຫຍ່ທີ່ສຸດໃນໂລກ ຢູ່ບໍລິເວນຝັ່ງທາງຕາເວັນຕົກສ່ຽງເໜືອຂອງປະເທດອອສເຕຣເລລຍ ເຊິ່ງຮອຍຕີນໄດໂນເສົາດັ່ງກ່າວມີຂະໜາດ 5 ຟຸດ 9 ນິ້ວ ຫຼືປະມານ 1.75 ແມັດ
ຮ່ອງຮອຍດັ່ງກ່າວ ເປັນຂອງພວກຊໍໂຣພອດ ຫຼືໄດໂນເສົາກິນພືດຄໍຍາວ ເຊິ່ງຂະນະທີ່ຮອຍຕີນຂະໜາດໃຫຍ່ທີ່ສຸດທີ່ເຄີຍບັນທຶກໄດ້ຄື ຂະໜາດ 1.15 ແມັດ ເຊິ່ງພົບທີ່ໂບລິເວຍ ໃນເດືອນກໍລະກົດປີຜ່ານມາ ເຊິ່ງສັນນິຖານວ່າເປັນຮອຍໄດ້ໂນເສົາກິນຊີ້ນ
ທ່ານສະຕີຟ ຊາລິສເບີຣີ ຫົວໜ້າທີມງານວິໄຈ ແລະເປັນສາສະດາຈານ ວິທະຍາໄລຄວີນສແລນ ເວົ້າວ່າ “ນີ້ເປັນຮອຍຕີນໄດໂນເສາ ຮອຍໃຫຍ່ຢ່າງບໍ່ຕ້ອງສົງໄສ” ເຊິ່ງບໍ່ເຄີຍມີຮອຍໄດ້ມີຄວາມຍາວເທົ່ານີ້ເລີຍ
ທາງດ້ານມະຫາວິທະຍາໄລຄວີນສແລນ ໄດ້ເວົ້າໃນການຖະແຫຼງຂ່າວວ່າ ມີການຄົ້ນພົບຮອຍຕີນໄດໂນເສົາເຖິງ 21ຊະນິດ ແລະຈາກການກວດສອບຮ່ອງຮອຍເທິງຫີນ ພົບວ່າບາງອັນມີອາຍຸຫຼາຍເຖິງ 140 ລ້ານປີ