ການຫຼຸດນໍ້າໜັກຄື ການເຜົາຜານແຄລໍລີ່ໃຫ້ຫຼາຍກວ່າທີ່ເຮົາກິນເຂົ້າໄປ ແຕ່ຖ້າເຈົ້າບໍ່ເອົາໃຈໃສ່ເທົ່າທີ່ຄວນ ບາງທີເຈົ້າອາດຕຸ້ຍຂຶ້ນຫຼາຍກວ່າເກົ່າກໍເປັນໄດ້, ມື້ນີ້ເຮົາມີ 10 ວິທີງ່າຍໆ ທີ່ຊ່ວຍໃຫ້ທ່ານຈ່ອຍລົງ ພຽງປ່ຽນພຶດຕິກຳເລັກໜ້ອຍ ໂດຍທີ່ບໍ່ຕ້ອງທໍລະມານຕົນເອງອີກຕໍ່ໄປ
- ການດື່ມນໍ້າ: ມີຜົນການວິໄຈລ່າສຸດບອກວ່າຄົນອາເມລິກາໄດ້ຮັບພະລັງງານ 245 ແຄລໍລີ່/ວັນ ຈາກການດື່ມນໍ້າອັດລົມຄິດເປັນ 90.000 ແຄລໍລີ່/ປີ ເຮັດໃຫ້ນໍ້າໜັກຕົວເພີ່ມຂຶ້ນເຖິງ 11 ກິໂລ, ນັກວິໄຈເຜີຍວ່າ ນອກຈາກໄດ້ຮັບແຄລໍລີ່ຈຳເປັນແລ້ວ ເຄື່ອງດື່ມທີ່ອັດລົມ ແລະນໍ້າຕານບໍ່ໄດ້ຊ່ວຍໃຫ້ອິ່ມຄືກັບອາຫານໄດ້, ດັ່ງນັ້ນ ຄວນດື່ມນໍ້າຈະດີກວ່າ
- ຂຽນບັນທຶກ: ຈົດລາຍການອາຫານທຸກຢ່າງ ພ້ອມປະລິມານທີ່ເຮົາກິນ ຄົນທີ່ຈົດການກິນອາຫານຂອງຕົນເອງ ຈະກິນໜ້ອຍກວ່າຄົນທີ່ບໍ່ຈົດ 15%
- ເຮັດກາເຟກິນເອງ: ກາເຟທຳມະຊາດໃຫ້ແຄລໍລີ່ໜ້ອຍກວ່າກາເຟຈາກຮ້ານ
- ອາຫານສີຂາວຫ້າມກິນ: ຜະລິດຕະພັນທີ່ເຮັດຈາກແປ້ງສີຂາວ ແລະນໍ້າຕານ ຈະເຮັດໃຫ້ລະດັບນໍ້າຕາໃນເລືອດສູງໂດຍບໍ່ໄດ້ຮັບສານອາຫານທີ່ມີປະໂຫຍດໃດໆ
- ແຕ່ງອາຫານກິນເອງ: ເພາະການກິນເຂົ້າຢູ່ຕາມຮ້ານອາຫານຕ່າງໆ ຈເຮັດໃຫ້ເຈົ້າກິນຫຼາຍຂຶ້ນ ແລະຍັງມີແຕ່ອາຫານທີ່ມີໄຂມັນສູງ, ການແຕ່ງກິນເອງຈະເຮັດໃຫ້ເຮົາກິນໜ້ອຍ ແລະະລິມານໄຂມັນກໍບໍ່ສູງຫຼາຍເີນໄປ
- ກິນອາຫານຫວານຫຼາຍເຮັດໃຫ້ຕຸ້ຍ: ໂດຍການຫຼີກລຽງອາຫານທີ່ປຸງສຳເລັດທີ່ມີສະຫຼາກບອກວ່າ ມີນໍ້າຕານຟຣຸກໂຕສ ເປັນສ່ວນປະສົມສຳຄັນ ເຊິ່ງທ່ານສາມາດຫາອາຫານທີ່ມີນໍ້າຕານຕໍ່າໄດ້ງ່າຍໆ
- ກິນຊ້າໆ: ການກິນຢ່າງມີສະຕິ ຈະເຮັດໃຫ້ທ່ານກິນໃນປະລິມານທີ່ນ້ອຍກວ່າ
- ຫຼຸດຂະໜາດຈານໃສ່ອາຫານ: ມີການສຶກສາໜຶ່ງບອກວ່າ ມີອາຫານຢູ່ຕໍ່ໜ້າຫຼາຍ ຈະເຮັດໃຫ້ກິນຫຼາຍ, ການມີອາຫານຢູ່ຕໍ່ໜ້າໜ້ອຍເທົ່າໃດ ທ່ານກໍຈະກິນໜ້ອຍລົງເທົ່ານັ້ນ
- ເບິ່ງໂທລະພາບນ້ອຍລົງ: ເພາະການເບິ່ງໂທລະພາບແລ້ວກິນ ຈະເຮັດໃຫ້ເເພີນ ກິນຫຼາຍກວ່າເດີມ
- ທຳຄວາມສະອາດເຮືອນ: ການເຮັດວຽກເຮືອນ ເປັນວິທີເຜົາຜານແຄລໍລີ່ທີ່ດີຢ່າງໜຶ່ງເຊັ່ນ: ການກວດເຮືອນ, ການເຊັດແວ່ນ, ການລ້າງຖ້ວຍ, ລ້າງຫ້ອງນໍ້າ ຕ່າງໆເຫຼົ່ານີ້ ຈະເຮັດໃຫ້ທ່ານໃຊ້ພະລັງງານ ແລະເຜົາຜານໄຂມັນສ່ວນເກີນອອກໄປ
ເມື່ອທ່ານຮູ້ 10 ວິທີດັ່ງກ່າວແລ້ວ ກໍຄວນເອົາໄປປະຕິບັດ ເພື່ອທ່ານຈະໄດ້ຫຼຸດນໍ້າໜັກຕາມທີ່ຕ້ອງການ, ນອກຈາກນັ້ນກໍຄວນອອກກຳລັງກາຍຢ່າງສະໝໍ່າສະເໝີ ແລະກິນອາຫານໃຫ້ຄົບ 5 ໝູ່ ເພື່ອສຸຂະພາບທີ່ດີ ແລະແຂງແຮງ