ອັບເດດຊີວິດເລື່ອງລາວຄວາມຮັກ ຂອງນາຍແບບໜຸ່ມ “ຈອນນີ້” ແລະ ສາວ”ກີຕ້າ” ໜຸ່ມຫຼໍ່ສາວງາມຂອງບ້ານເຮົາ ທີ່ໄດ້ໄປຕາມຫາຄົນຮູ້ໃຈໃນລາຍການຫາຄູ່ຊື່ດັງຂອງປະເທດ ເພື່ອບ້ານຢ່າງລາຍການ Take Me Out Thailand ຫຼັງຈາກທັງຄູ່ໄດ້ Take ເອົາຄູ່ເດດຂອງຕົນເອງອອກມາຈາກລາຍກາຍ ໂດຍ ຈອນນີ້ ໄດ້ Take ເອົາສາວ ນາດາ ມາ ເປັນຄູ່ເດດ, ສ່ວນສາວ ກີຕ້າ ກໍ່ຖືກໜຸ່ມຫຼໍ່ຈາກເກົາຫຼີ “ເຈ ມິນ ລີ” Take ອອກຈາກລາຍການໄປເປັນຄູ່ເດດຄືກັນ.

ເລື່ອງລາວຄວາມຮັກຂອງທັງ 2 ຄົນ “ຈອນນີ້ ກັບ ກີຕ້າ” ພ້ອມກັບຄູ່ເດດຂອງພວກເຂົາ “ນາດາ ແລະ ເຈມິນລີ” ເຊິ່ງເປັນຄູ່ທີ່ມີຜູ້ຄົນແຟນຄລັບທັງຝັ່ງລາວ ແລະ ຝັ່ງໄທເຈົ້າຕາເບິ່ງ ແລະ ເຊຍໃຫ້ພວກເຂົາທັງ 4 ຄົນ (2ຄູ່) ໄດ້ຄົບຫາເປັນແຟນກັນແທ້ໆ ເພາະເບິ່ງໂດຍລວມແລ້ວທັງສອງຄູ່ນີ້ມີເຄມີທີ່ເຂົ້າກັນຫຼາຍ ແຕ່ບົດສະຫຼຸບຄວາມຮັກຂອງພວກເຂົາຈະເປັນແບບໃດນັ້ນ! ພວກເຂົາຈະສົມຫວັງ ຫຼື ບໍ່ ເຮົາມາຕິດຕາມ ແລະ ເອົາໃຈຊ່ວຍທັງສອງຄົນໄປພ້ອມກັນໄດ້ໃນເທັບວິດີໂອ Take Me Out Reality ຕອນ “ຮັກທີ່ບໍ່ຊັດເຈນ” ເຊິ່ງທາງລາຍການ Take Me Out Thailand ໄດ້ປ່ອຍລົງ YouTube ໃຫ້ໄດ້ຊົມກັນໄປແລ້ວເມື່ອຕອນບ່າຍວານນີ້ ດັ່ງນັ້ນແອັດມິນກໍ່ບໍ່ພາດທີ່ຈະນຳມາຝາກ ເອົາເປັນວ່າເຮົາມາເບິ່ງພ້ອມກັນເລີຍ