ສຳນັກຂ່າວເອເອຟພີລາຍງານເມື່ອວັນທີ 27 ມີນາ 2017 ຜ່ານມາວ່າ ເກີດເຫດຫິມະຖະຫຼົ່ມບໍລິເວນໃກ້ກັບລານສະກີ ເມືອງນາສຸ ແຂວງໂຕຊິກິ ຂອງນະຄອນຫຼວງໂຕກຽວ ປະເທດຍີ່ປຸ່ນ ໃນຕອນເຊົ້າຂອງວັນທີ 27 ມີນາ ໃນຂະນະທີ່ມີເດັກນ້ອຍນັກຮຽນມັດທະຍົມ 52 ຄົນ ແລະອາຈານ 11 ຄົນ ໃນໂຮງຮຽນ 11 ແຫ່ງ ເຊິ່ງຢູ່ລະຫວ່າງການເຂົ້າຄ້າຍໃນພູເຂົາດັ່ງກ່າວ
ຫຼັງຈາກເກີດເຫດ ໄດ້ມີການສົ່ງກຳລັງທະຫານ 100 ກວ່າຄົນ ລົງພື້ນທີ່ເພື່ອຊ່ວຍເຫຼືອຜູ້ປະສົບໄພ, ເຊິ່ງເບື້ອງຕົ້ນພົບວ່າ ມີນັກຮຽນຢ່າງໜ້ອຍ 8 ຄົນ ຈາກໂຮງຮຽນມັດທະຍົມໂຕວາຣະ ເຊິ່ງຍັງບໍ່ໄດ້ປະກາດວ່າມີໃຜແດ່ທີ່ເສຍຊີວິດ ຈົນກວ່າຈະມີການຢືນຢັນຈາກແພດ, ມີຜູ້ໄດ້ຮັບບາດເຈັບ 30 ກວ່າຄົນ ແລະຍັງບໍ່ສາມາດຢືນຢັນໄດ້ວ່າມີອາຈານລວມຢູ່ໃນຈຳນວນຜູ້ທີ່ໄດ້ຮັບບາດເຈັບ ຫຼືບໍ່
ຂ່າວບອກອີກວ່າ ສຳນັກງານອຸຕຸນິຍົມວິທະຍາທ້ອງຖິ່ນ ໄດ້ປະກາດເຕືອນຫິມະຕົກໜັກ ແະອາດເກີດຫິມະຖະຫຼົ່ມໄດ້ໃນວັນທີ 26 ມີນາ ຈົນເຖິງວັນທີ 27 ມີນາ 2017 ໃນບໍລິເວນຕອນເໜືອຂອງນະຄອນຫຼວງໂຕກຽວ ແລະຄາດວ່າຈະມີຫິມະຕົກລົງມາສູງເຖິງປະມານ 30 ຊັງຕີແມັດ