ໝາກຫຸ່ງມີສັບພະຄຸນທາງຢາ ມີເອນໄຊຊະນິດໜຶ່ງທີ່ເອີ້ນວ່າ “ພາເພນ” ຊ່ວຍຍ່ອຍອາຫານທີ່ບໍ່ຍ່ອຍ, ຊ່ວຍໃຫ້ປະຈຳເດືອນມາປົກກະຕິ, ຫຼຸດໄຂ້, ແກ້ເລືອດອອກຕາມແຂ້ວ, ຊ່ວຍຍ່ອຍອາຫານ, ຫຼຸດກົດໃນກະເພາະອາຫານ, ເຮັດໃຫ້ການເຮັດວຽກຂອງລຳໄສ້ດີຂຶ້ນ, ຊ່ວຍທຳຄວາມສະອາດໝາກໄຂ່ຫຼັງ, ຊ່ວຍໃຫ້ເລືອດແຂງໂຕ, ເປັນຢາລະບາຍອ່ອນໆ, ຊ່ວຍໃຫ້ລະບົບຂັບຖ່າຍສະດວກ, ຊ່ວຍປ້ອງກັນພະຍາດມະເຮັງ, ບຳລຸງເລືອດ, ບຳລຸງປະສາດ ແລະລະບົບສາຍຕາ
ສ່ວນປະສົມທີ່ຕ້ອງກຽມສຳລັບເຮັດນໍ້າໝາກຫຸ່ງ 2 ຈອກ
- ໝາກຫຸ່ງສຸກປາດເປັນປ່ຽງ 1 ຈອກເຄິ່ງ
- ນໍ້າເຢັນ 1/2 ຈອກ
- ນໍ້າກ້ອນບົດ 1/2 ຈອກ
- ນໍ້າໝາກນາວ 2 ບ່ວງແກງ
- ນໍ້າເຜິ້ງ 3 ບ່ວງແກງ
- ເກືອເລັກໜ້ອຍ
ວິທີເຮັດນໍ້າໝາກຫຸ່ງ:
ເອົານໍ້າກ້ອນ, ໝາກຫຸ່ງ, ນໍ້າເຢັນ, ນໍ້າໝາກນາວ, ນໍ້າເຜິ້ງ, ເກືອ ລົງໃສ່ໂຖປັ່ນໝາກໄມ້ ປັ່ນຈົນເປັນເນື້ອດຽວກັນລະອຽດ ແລ້ວຖອກໃສ່ຈອກທີ່ກຽມໄວ້້ນັ້ນ, ເມື່ອເຮັດແລ້ວ ຄວນດື່ທັນທີ ເພື່ອຄຸນຄ່າທາງສານອາຫານຈາກໝາກຫຸ່ງໄດ້ຢ່າງຄົບຖ້ວນ