ການລວກຜັກແນວໃດໃຫ້ຜັກຂຽວ ຫຼາຍໆຄົນອາດສົງໄສວ່າ ມີເຄັດລັບແນວໃດໃຫ້ຜັກທີ່ລວກຂຽວສົດ ແລະກອບແຊບ ເຮັດມໃຫ້ມີຄຸນຄ່າທາງອາຫານສູງ

ກ່ອນອື່ນເຮົາຕ້ອງມາຮູ້ຈັກສານໃຫ້ສີຂຽວ ທີ່ຢູ່ໃນໃບຜັກຊະນິດຕ່າງໆ ເຊິ່ງແມ່ນສານ chlorophyll ແປວ່າສີຂຽວ  ແລະເປັນທີ່ມາຂອງກ໊າຊຄໍຣີນ  (Chlorine) ເຊິ່ງເປັນກ໊າສທີ່ມີສີຂຽວອ່ອນໆ ແຕ່ເຖິງສອງຄຳນີ້ມາຈາກຮາກສັບດຽວກັນ ແຕ່ chlorophyll ບໍ່ມີອົງປະກອບຂອງ (Chlorine) ໃນໂມເລກຸນ. chlorophyll ມີໂຄງສ້າງໂມເລກຸນຄ້າຍຄືກັບ  Haeme ທີ່ເປັນສານສີແດງທີ່ມີໃນເລືອດຂອງມະນຸດ ແລະສັດທັງຫຼາຍ, ໃນເວລາທີ່ເຮົາລວກຜັກ ຄວນໃສ່ສິ່ງນີ້ລົງໄປ ຈະເຮັດໃຫ້ເຮົາໄດ້ຜັກທີ່ມີສີຂຽວ ໜ້າຮັບປະທານ

1. ໃສ່ເກືອ: ໃນຂະນະທີ່ເຮົາລວກຜັກ ຄວນໃສ່ເກືອລົງໄປໃນໍ້າເລັກໜ້ອຍ ຈະເຮັດໃຫ້ຜັກມີສີຂຽວງາມ, ແຕ່ແນວໃດກໍຕາມ ຖ້າເຮົາລວກຜັກເປັນເວລາດົນ ກໍຈະເຮັດໃຫ້ເຊວ chloroplastນັ້ນແຕກອອກ ເຮັດໃຫ້ chlorophyll ທີ່ມີຢູ່ໃນ chloroplast ຫຼຸດອອກມາ ເຮັດໃຫ້ ຜັກທີ່ເຮົາລວກເປັນເວລາດົນເປັນສີເຫຼືອງ, ດັ່ງນັ້ນ ເພື່ອປ້ອງກັນບັນຫານີ້ ຈຶ່ງຄວນແຊ່ຜັກ ທີ່ເຮົາລວກລໃນນໍ້າເຢັນທັນທີ ເພື່ອປ້ອງກັນບໍ່ໃຫ້ເຊວ chloroplast ແຕກອອກ ເຮັດໃຫ້ຜັກມີສີຂຽວໄດ້ດົນ
2. ໃສ່ນໍ້າມັນພືດ: ໃນຂະນະທີ່ເຮົາລວກຜັກ ການໃສ່ນໍ້າມັນພືດລົງໃນໝໍ້ເລັກໜ້ອຍ ຈະເປັນການເຄືອບຜະໜັງເຊວຂອງຜັກ ທີ່ລວກໃຫ້ມີຄວາມທົນທານ ແລະເຮັດໃຫ້ຜັກງາມຫຼາຍຂຶ້ນ ແລະກໍຈະເຮັດໃຫ້ຜັກມີສີຂຽວໜ້າຮັບປະທານຫຼາຍຂຶ້ນ.

ດັ່ງນັ້ນ ເຄັດລັບການລວກຜັກ ຈຶ່ງຕ້ອງໃສ່ເກືອ ໂດຍສະເພາະແມ່ນເກືອຈາກທຳມະຊາດ ແລະນໍ້າມັນພືດໃສ່ເລັກໜ້ອຍ ໂດຍລວກໃນນໍ້າທີ່ຟົດ ໃນໄລຍະເວລາອັນສັ້ນ, ຈາກນັ້ນກໍເອົາຜັກທີ່ລວກນັ້ນ ແຊ່ລົງໃນນໍ້າເຢັນ ຈະເຮັດໃຫ້ເຮົາໄດ້ຜັກທີ່ມີສີຂຽວ ພ້ອມທີ່ຈະຮັບປະທານກັບແຈ່ວທີ່ແຊບຂອງທ່ານໄດ້