ສຳນັກຂ່າວຕ່າງປະເທດລາຍງານ ເມື່ອວັນທີ 24 ມີນາ 2017 ຜ່ານມາວ່າ ອາພາດເມັ້ນແຫ່ງໜຶ່ງໃນປະເທດຈີນ ທີ່ສ້າງຂຶ້ນໂດຍມີລົດໄຟແລ່ນຜ່ານຕຶກໄປ ເຊິ່ງບໍ່ພຽງແຕ່ແລ່ນຜ່ານຕຶກ 19 ຊັ້ນເທົ່ານັ້ນ (ກິນພື້ນທີ່ຊັ້ນ 6-8 ຂອງຕຶກ) ລົດໄຟຍັງມີສະຖານີຈອດພາຍໃນຕຶກອີກດ້ວຍ
ເມືອງສົງຊິ່ງ ຕັ້ງຢູ່ພາກຕາເວັນອອກສ່ຽງໃຕ້ຂອງປະເທດຈີນ ມີປະຊາກອນອາໄສຢູ່ປະມານ 49 ລ້ານຄົນ, ດັ່ງນັ້ນການກໍ່ສ້າງສະຖາປັດຕະຍະກຳ ແລະການວາງຜັງເມືອງ ຈຶ່ງຕ້ອງອາໄສຄວາມຄິດສ້າງສັນ ເພື່ອວາງລະບົບການຂົນສົ່ງ ແລະທີ່ຢູ່ອາໄສໃຫ້ປະສານກັນໄດ້
ໃນບໍລິເວນຊັ້ນ 6-7 ຂອງສະຖານີລົດໄຟ ຈະມີວັດຖຸພິເສດ ສາມາດເກັບສຽງດັງຂອງລົດໄດ້ ເພື່ອຫຼຸດຜ່ອນສຽງລົບກວນ ຜູ້ທີ່ຢູ່ພາຍໃນຕຶກ