ໝາກອີຮຸມ ອຸດົມດ້ວຍວິຕາມິນ ແລະແຮ່ທາດລວມຫຼາຍຊະນິດ ເຊິ່ງຈຸດເດັ່ນຂອງຜັກອີຮຸມຄື ມີວິຕາມິນເອ, ຊີ, ແຄວຊຽມ, ໂພແທສຊຽມ ແລະທາດເຫຼັກໃນປະລິມານທີ່ສູງ, ນອກຈາກນີ້ໝາກອີຮຸຍັງມີປະໂຫຍດໃນການຮັກສາພະຍາດໄດ້ຫຼາຍຊະນິດ, ນອກຈາກນັ້ນນໍ້າຕົ້ມແກ່ນໝາກອີຮົມມີສັບພະຄຸນຫຼາຍ ໃນການແກ້ອາການເຈັບຫຼັງ, ເຈັບແອວ, ກະດູກທັບເສັ້ນປະສາດ ແລະຫຼຸດການອັກເສບຂອງໝາກໄຂ່ຫຼັງ
ວິທີເຮັດ: ເອົາແກ່ນໝາກອີຮຸມຕາກແຫ້ງມາ 1 ກຳມື, ມາຕົ້ມກັບນໍ້າ 1 ລິດໃຫ້ຟົດປະມານ 5 ນາທີ ກ່ອນທີ່ຈະປົງລົງຈາກເຕົາໄຟ ປະໃຫ້ເຢັນກ່ອນທີ່ຈະກິນ ຄັ້ງລະ 1ຈອກ ຫຼັງອາຫານເຊົ້າ ແລະກ່ອນນອນ ຈະສາມາດບັນເທົາອາການເຈັບປ່ວຍທີ່ກ່າວມາຂ້າງເທິງໄດ້, ແຕ່ຖ້າຈະໃຫ້ໄດ້ຜົນດີ ທ່ານຕ້ອງຢຸດກິນອາຫານດອງ, ເຄື່ອງໃນສັດ ແລະເຄື່ອງດື່ມທີ່ມີແອວກໍຮໍ ບໍ່ດັ່ງນັ້ນຈະເຫັນຜົນໜ້ອຍ ເພື່ອສຸຂະພາບຕ້ອງຢຸດກິນກ່ອນ