ບໍລິສັດ ດັດສະມິ້ວ ປະເທດໄທຈຳກັດ, ປະກາດສະໜອງທຶນ ການສຶກສາເຕັມຮູບແບບ ສຳລັບນັກສຶກສາ ສປປ ລາວ ເພື່ອສຶກສາລະດັບປະລິນຍາຕຣີ ໃນຫລັກສູດດັ່ງລຸ່ມນີ້:
ຫລັກສູດທີ່1: ຫລັກສູດການສຶກສາ 2 ປີ (ຈຳນວນ 1 ທຶນ)
– ປະລິນຍາຕຣີ ສາຂາເຕັກໂນໂລຊີ: ເຕັກໂນໂລຊີ ການປຸງແຕ່ງນ້ຳນົມ, ຮຽນ 2 ປີຕໍ່ເນື່ອງ, ການຮຽນ–ການສອນເປັນພາສາໄທ
ຄຸນສົມບັດ ໃນການສະໝັກທຶນການສຶກສາ:
- ຈົບການສຶກສາ ລະດັບປະກາສະນີຍະບັດ ວິຊາຊີບຊັ້ນສູງ ໃນຂະແໜງກົນຈັກ, ລົດຍົນ, ໄຟຟ້າກຳລັງ, ເອເລັກໂຕຣນິກ, ສ້ອມແປງເຄື່ອງຈັກ ຫລືກົນຈັກໂຍທາ.
- ເປັນນັກສຶກສາເພດຊາຍ, ອາຍຸບໍ່ເກີນ 24 ປີ.
ສະຖານບັນສຶກສາ ແລະທີ່ຕັ້ງ:
– ມະຫາວິທະຍາໄລ ເຕັກໂນໂລຊີຣາຊະມົງຄົນອີສານ, ແຂວງນະຄອນຣາດຊະສີມາ ປະເທດໄທ.
(ເລີ່ມເປີດສົກຮຽນ: ວັນທີ່ 26 ມິຖຸນາ 2017).
ເງື່ອນໄຂສຳລັບຜູ້ທີ່ໄດ້ຮັບທຶນ ການສຶກສາພາຍຫລັງຮຽນຈົບ:
– ຈະຕ້ອງເຮັດວຽກ ນຳກຸ່ມບໍລະສັດ ດັດສະມິ້ວ ປະເທດໄທ ເທົ່າກັບໄລຍະເວລາການຮຽນ ຫລືຈະຕ້ອງຈ່າຍທົດແທນຄືນເທົ່າກັບ ຈຳນວນເງິນ ທີ່ໄດ້ຈ່າຍໃຫ້ສຳລັບທຶນການສຶກສາ, ໃນກໍລະນີບໍ່ຕ້ອງການເຮັດວຽກ ນຳບໍລິສັດ.
ຫລັກສູດທີ່2: ຫລັກສູດການສຶກສາ 4 ປີ (ຈຳນວນ 1 ທຶນ)
–ປະລິນຍາຕຣີ ສາຂາວິສະວະກຳ ອຸດສາຫະກຳ (ສາຂາວິສະວະກຳ ການປຸງແຕ່ງນ້ຳນົມ ແລະເຄື່ອງດື່ມ) ເປັນຫລັກສູດນານາຊາດ ແລະສອນເປັນພາສາອັງກິດ.
ຄຸນສົມບັດ ການຮັບສະໝັກ ທຶນການສຶກສາ
- ຈົບການສຶກສາ ລະດັບປະກາສະນີຍະບັດ ມັດທະຍົມສົມບູນ ຫລືທຽບເທົ່າ
- ລະດັບພາສາອັງກິດ: TOEFL(PBT) ≥ 500, TOEFL(CBT) ≥ 173, TOEFL(iBT) ≥ 61, EELTS ≥5
(ຫລືຜ່ານການທົດສອບ ຄວາມສາມາດ ດ້ານພາສາອັງກິດ ແບບຫລັກສູດເລັ່ງລັດ (ການທົດສອບວັດລະດັບພາສາອັງກິດ ໃນລະຫວ່າງການສຶກສາ, ກໍລະນີເລືອກ)
- ເໝາະສຳລັບນັກສຶກສາເພດຊາຍ, ອາຍຸບໍ່ເກີນ 22 ປີ
ສະຖາບັນສຶກສາ ແລະທີ່ຕັ້ງ:
ມະຫາວິທະຍາໄລ ມະຫິດົນສາລາຍາ, ແຂວງນະຄອນປະຖົມ ປະເທດໄທ. (ເລີ່ມເປີດສົກຮຽນ: ວັນທີ່ 21 ສິງຫາ 2017).
ເງື່ອນໄຂ ສຳລັບຜູ້ທີ່ໄດ້ຮັບທຶນການສຶກສາ ພາຍຫລັງຮຽນຈົບ:
– ຈະຕ້ອງເຮັດວຽກນຳ ກຸ່ມບໍລະສັດ ດັດສະມິ້ວ ປະເທດໄທ ເທົ່າກັບ 2 ເທົ່າຂອງໄລຍະເວລາການຮຽນຫລື ຕ້ອງຈ່າຍທົດແທນຄືນ 2 ເທົ່າຂອງຈຳນວນເງິນ ທີ່ໄດ້ຈ່າຍໃຫ້ສຳລັບທຶນການສຶກສາ, ໃນກໍລະນີບໍ່ຕ້ອງການເຮັດວຽກ ນຳບໍລິສັດ.
ສຳລັບຜູ້ສະໝັກທຶນການສຶກສາໃດໜຶ່ງຈະໄດ້ຮັບການພິຈາລະນາ, ຕ້ອງໄດ້:
- ດາວໂຫລດເອົາແບບຟອມ ສະໝັກຂໍທຶນການສຶກສາ ແລະຂໍ້ມູນຂ່າວສານ ໂດຍຜ່ານເວັບໄຊຕ໌ ຂອງບໍລິສັດທີ່:
www.dutchmill.co.th, goto corporate CSR menu, and click DM Scholarship.
- ກະລຸນາ ສົ່ງໃບສະໝັກຂໍທຶນການສຶກສາ ໂດຍຜ່ານທີ່ຢູ່ເວັບໄຊຕ໌ຂອງບໍລິສັດ, ເລີ່ມແຕ່ວັນນີ້ ຈົນເຖິງວັນສຸກ
ວັນທີ່ 7 ເມສາ 2017, ກ່ອນເວລາ 12:00 ໂມງ.
- ຜູ້ສະໝັກທີ່ຜ່ານການຄັດເລືອກເບື້ອງຕົ້ນ, ບົນພື້ນຖານຂໍ້ມູນໃບສະໝັກ ຈະຕ້ອງໄດ້ມາຮ່ວມ:
- ການສອບເສັງດ້ວຍຂຽນຮູບແບບປາລະໄນ, ໃນວັນທີ່ 10/04/2017 ເວລາ 9:00–12:00ໂມງ.
- ການສຳພາດໃນວັນທີ່ 11/04/2017 ເວລາ 9:00-12:00ໂມງ.
- ສະຖານທີ່ສອບ–ສຳພາດ: ທີ່ຕຶກຊັ້ນ 2 ຂອງບໍລິສັດ ນິວຈິບເຊັງ ຈຳກັດ, ບ້ານເກົ້າຍອດ, ເມືອງສີສັດຕະນາກ ນະຄອນຫລວງວຽງຈັນ, (ຢູ່ຕໍ່ໜ້າວັດເກົ້າຍອດ)
- ສອບຖາມຂໍ້ມູນເພີ່ມເຕີມ ທີ່ເບີໂທລະສັບ: 020 5938 5999 ທ່ານສຸກຂະປັນຍາ, ບໍລິສັດ ນິວຈິບເຊັງ ຈຳກັດ.
