ຫຼາຍໆຄົນ ຄົງເຄີຍພົບບັນຫາ ເວລາທອດຂາໄກ່, ຈືນປາ, ຈືນແລ້ວ ອາຫານນັ້ນຈະອົມນໍ້າມັນ ເຮັດໃຫ້ອາຫານນັ້ນ ບໍ່ເປັນຕາແຊບ, ມື້ນີ້ ລາວໂພສຕ໌ ມີເຄັດລັບດີໆ ມາຝາກແມ່ບ້ານທັງຫຼາຍ ໃຫ້ຈືນ/ທອດອາຫານັ້ນ ບໍ່ໃຫ້ອົມນໍ້າມັນ ເຫັນແລ້ວເປັນຕາແຊບ
ວິທີເຮັດ:
- ເອົາໝໍ້ກະທະໄປຕັ້ງກັບເຕົາໄຟ ແລ້ວເອົານໍ້າສົ້ມສາຍຊູໃສ່ລົງໃນໝໍ້ກະທະ ຈໍານວນ 1 ບ່ວງແກງ ຈາກນັ້ນໃຊ້ຕະລິ່ວເຂ່ຍນໍ້າສົ້ມສາຍຊຸນັ້ນໃຫ້ທົ່ວໝໍ້ ແລ້ວປ່ອຍໃຫ້ນໍ້າສົ້ມສາຍຊູຟົດ ແລະແຫ້ງ
- ເມື່ອນໍ້າສົ້ມສາຍຊູແຫ້ງໝົດແລ້ວ ກໍຖອກນໍ້າມັນລົງໃນໝໍ້ກະທະ ແລະລົງມື ຈືນ/ທອດ ອາຫານດ້ວຍຄວາມຮ້ອນສູງ ພຽງເທົ່ານີ້ ອາຫານຂອງເຈົ້າກໍຈະບໍ່ອົມນໍ້າມັນອີກຕໍ່ໄປ