ກະຊວງຄວາມໝັ້ນຄົງແຫ່ງມາຕຸພູມຂອງສະຫະລັດປະກາດລາຍຊື່ 8 ປະເທດມຸສະລິມ 9 ສາຍການບິນ ແລະ 10 ສະໜາມບິນ ທີ່ໄດ້ຮັບຜົນກະທົບຈາກມາດຕະການ ຫ້າມນຳເອົາອຸປະກອນເອເລັກໂຕຣນິກ ຂະໜາດໃຫຍ່ເຊັ່ນ: ແລັບທ໊ອບ, ແທັບເລັດ, ເຄື່ອງຫຼິ້ນດີວີດີ ແລະເຄື່ອງຫຼິ້ນເກມຂຶ້ນເຮືອບິນ ໃນຖ້ຽວບິນທີ່ເດີນທາງມາສະຫະລັດ ເພາະອາດມີລະເບີດຖືກຊຸກເຊື່ອງມານຳອຸປະກອນດັ່ງກ່າວໄດ້
ສາຍການບິນ ທີ່ໄດ້ຮັບຜົນກະທົບປະກອບດ້ວຍ 9 ສາຍການບິນຄື: ຮໍຍັລຈໍແດນນຽນ, ອີຢິບແອ, ເຕີກິຊແອຣ໌ໄລ, ຊາອຸດິອາຣະເບຍແອໄລນ໌, ຄູເວຕແອຣ໌ເວຍ໌, ຣໍຍັລແອຣ໌ມາຣອຄ, ກາຕາແອຣ໌ເວຍ໌, ເອມິເຣດສ໌ ແລະເອທິຮັດແອຣ໌ເວຍ໌ ໃນຖ້ຽວບິນທີ່ເດີນທາງອອກຈາກສະໜາມບິນ 10 ແຫ່ງ ໃນ 8 ປະເທດປະກອບດ້ວຍ: 1. ປະເທດໂມຣອກໂກ ສະໜາມບິນນານາຊາດໂມຮັມເໝັດ ວີ ໃນຄ່າຊາບລັງກາ, 2. ປະເທດຕວກກີ ສະໜາມບິນ ອະຕາເຕິ້ຣ໌ ນະຄອນອິສຕັນບູລ, 3. ປະເທດອີຢິບ ສະໜາມບິນນານາຊາດໄຄໂຣ, 4. ປະເທດຈໍແດນ ສະໜາມບິນນານາຊາດຄວີນອັລເລີຍ ນະຄອນອັມມານ, 5. ປະເທດຊາອຸດີອາຣະເບຍ ມີ 2 ສະໜາມິນຄື: ສະໜາມບິນນານາຊາດຄິງອັບດຸລລາຊິສ ເມືອງເຈດາ ແລະສະໜາມບິນຄິງຄາລິດ ນະຄອນຣິຍາດ, 6. ປະເທດຄູເວດ ສະໜາມບິນນານາຊາດຄູເວ, 7. ປະເທດກາຕາ ສະໜາມບິນຮາໝັດ ນະຄອນໂດ ແລະ 8. ສະຫະລັດອາຫຼັບເອມິເຣດ ມີ 2 ແຫ່ງຄື: ສະໜາມບິນນານາຊາດອາບູດາບີ ແລະສະໜາມບິນນານາຊາດດູໄບ
ມາດຕະການຫ້າມນຳເອົາອຸປະກອນເອເລັກໂຕຣນິກອື່ນໆ ທີ່ນອກຈາກໂທລະສັບ, ເຊິ່ງມີຜົນບັງຄັໃຊ້ຕັ້ງແຕ່ວັນທີ 21 ມີນາ 2017 ໂດຍຈະສົ່ງຜົນກະທົບກັບຖ້ຽວບິນປະມານ 50 ຖ້ຽວບິນ/ວັນ ແລະຍັງບໍ່ມີການກຳນົດເວລາວ່າ ມາດຕະການດັ່ງກ່າວ ຈະສິ້ນສຸດລົງເມື່ອໃດ