ບີບີຊີລາຍງານເມື່ອວັນທີ 20 ມີນາຜ່ານມາວ່່າ ໄດ້ເກີດເຫດຕົ້ນໄມ້ໃຫຍ່ຫັກທັບກຸ່ມຄົນ ທີ່ກຳລັງຫຼິ້ນນ້ຳຕົກຕາດໃນເມືອງຄິນທຳໂປ ແຫຼ່່ງທ່ອງທ່ຽວສຳຄັນຂອງປະເທດການາ ມີຜູ້ເສຍຊີວິດຢ່າງໜ້ອຍ 20 ຄົນ ເຊິ່ງສ່ວນຫຼາຍເປັນນັກຮຽນມັດທະຍົມ ທີ່ມາທັດສະນະ ແລະອີກ 11 ກວ່າຄົນໄດ້ຮັບບາດເຈັບ
ທາງດ້ານເຈົ້າໜ້າທີ່ຕຳຫຼວດເປີດເຜີຍວ່າ ເຫດດັ່ງກ່າວເກີດຂຶ້ນໃນຊ່ວງທີ່ມີພາຍຸຝົນຕົກ ສົ່ງຜົນໃຫ້ຕົ້ນໄມ້ໃຫຍ່ຫັກທັບລົງມາ ເຈົ້າໜ້າທີ່ຕ້ອງໃຊ້ຈັກສະຕິນຕັດຕົ້ນໄມ້ ເພື່ອຊ່ວຍຜູ້ປະສົບໄພ