ສຳນັກຂ່າວສານປະເທດລາວ ລາຍງານເມື່ອວັນທີ 17 ມີນາ 2017 ຜ່ານມາວ່າ ຄະນະຊີ້ນຳ 1237 ກອງບັນຊາການທະຫານເຂດ 4 ແລະ ຄະນະສະເພາະກິດ ແຂວງເຫງະອານ ໄດ້ຢ້ຽມຢາມ ແລະ ເຮັດວຽກຢູ່ ແຂວງຊຽງຂວາງ ເຊິ່ງນຳໂດຍ ທ່ານ ພົນຈັດຕະວາ ເຈິ່ນ ຕ໋ຽນຢຸງ ຮອງຫົວ ໜ້າການເມືອງ ກອງບັນຊາການທະຫານເຂດ 4, ຫົວໜ້າຄະນະຜູ້ແທນຄະນະຊີ້ນຳ 1237 ໂດຍໄດ້ຮັບການຕ້ອນຮັບຈາກ ທ່ານ ຄຳແສນ ມະນີວົງ ຄະນະປະຈຳພັກແຂວງ, ຮອງເຈົ້າ ແຂວງໆຊຽງຂວາງ ຫົວໜ້າຄະນະສະເພາະກິດຂັ້ນແຂວງ ພ້ອມດ້ວຍຄະນະ ການພົບປະຢ້ຽມຢາມຄັ້ງນີ້ເພື່ອປຶກສາຫາລື ແລກປ່ຽນຄຳຄິດຄຳເຫັນ ກ່ຽວກັບການຂຸດຄົ້ນຮ່າງ, ອັດຖິ ທະຫານອາສາສະໝັກ ແລະ ຊ່ຽວຊານຫວຽດນາມ ທີ່ເສຍຊີວິດຢູ່ ແຂວງຊຽງຂວາງ ໃນປາງສົງຄາມ ເພື່ອພາລະກິດສາກົນນິຍົມອັນສູງສົ່ງ.
ໃນການພົບປະຄັ້ງນີ້, ສອງຝ່າຍໄດ້ແລກປ່ຽນຄຳຄິດເຫັນ ເພື່ອເຮັດໃຫ້ວຽກງານການຂຸດຄົ້ນ ຊອກຄົ້ນຮ່າງອັດຖິທະຫານອາສາສະໝັກ ແລະ ຊ່ຽວຊານຫວຽດນາມ ກັບຄືນປະເທດ ກໍຄື ບ້ານເກີດເມືອງນອນ ການຂຸດຄົ້ນຮ່າງອັດຖິທະຫານ ອາສາສະໝັກ ແລະ ຊ່ຽວຊານຫວຽດນາມ ຢູ່ແຂວງຊຽງຂວາງ ໃນລະດູແລ້ງປີ 2015-2016 ໄດ້ມີການຮ່ວມມືຢ່າງໄກ້ຊິດໃຫ້ຄວາມ ສະດວກແຕ່ແຂວງ ລົງຮອດທ້ອງຖິ່ນຈິ່ງເຮັດ ໃຫ້ອ້າຍນ້ອງກອງຂຸດຄົ້ນ ປະຕິບັດໜ້າທີ່ດ້ວຍຄວາມ ຮັບຜິດຊອບສູງ, ສາມາດຂຸດຄົ້ນທ້ອນໂຮມໄດ້ 67 ອັດຖິ ແລະ ຄາດວ່າຈະຈັດພິທີນຳສົ່ງ ເຄື່ອນຍ້າຍອັດຖິ ດວງວິນຍານ ກັບປະເທດຫວຽດນາມ ໃນຊ່ວງເດືອນພຶດສະພາ ທີ່ຈະມາເຖິງນີ້.