ການກິນອາຫານທີ່ດີ ເພື່ອຊ່ວຍດີທ໊ອກລ້າງຕັບ ຖືເປັນເລື່ອງທີ່ດີທີ່ຊ່ວຍໃຫ້ຕັບສະອາດ ເຖິງແມ່ນວ່າຈະບໍ່ສະອາດ 100% ກໍຕາມ, ແຕ່ຢ່າງໜ້ອຍກໍຊ່ວຍຫຼຸດໄຂມັນ ທີ່ອາດກຳລັງຈະພອກຕັບ ຈາກການກິນອາຫານປະເພດໄຂມັນ, ແປ້ງ ແລະນໍ້າຕານໄດ້ ເຊິ່ງອາດບໍ່ໄດ້ຫຼາຍກໍໜ້ອຍ
- ອາຫານທີ່ມີວິຕາມິນຊີ ແລະອີ: ແມ່ນຢູ່ວ່າຕັບເປັນອະໄວຍະວະທີ່ສາມາດທຳຄວາມສະອາດ ແລະສາມາດສ້ອມແຊມຕົວເອງໄດ້, ດັ່ງນັ້ນ ຖ້າເບິ່ງແຍງຕັບດີໆ ຕັບກໍກັບມາມີສຸຂະພາບທີ່ແຂງແຮງບໍ່ຍາກ, ອາຫານທີ່ມີແອນຕີ້ອົກຊີແດນ ຈະຊ່ວຍຊ່ອມແຊມຕັບໄດ້ດີ ເຊິ່ງອາຫານທີ່ວ່ານັ້ນມີ: ພິກໄທແດງ, ໝາກອາໂວກາໂດ, ຜັກຫົມ, ໝາກສີດາ, ໝາກໄມ້ທີ່ມີລົດຊາດສົ້ມຄື: ໝາກນາວ, ໝາກກ້ຽງ
- ອາຫານທີ່ມີວິຕາມິນບີ2: ເພື່ອໃຫ້ລະບົບການດີທ໊ອກມີຜົນສູງສຸດ ເຊິ່ງຈຳເປັນຕ້ອງມີວິຕາມິບີ 2 ເປັນຕົວຊ່ວຍໃຫ້ເອັນໄຊ ໃນການດີທ໊ອກລ້າງຕັບໃຫ້ເຮັດວຽກດີຂຶ້ນ ເຊິ່ງອາຫານນັ້ນມີຄື: ໂປຣຕີນຈາກຊີ້ນສັດ, ເຫັດ, ຜັກໃບຂຽວ, ໂຢເກິດທຳມະຊາດ
- ອາຫານທີ່ມີແຮ່ທາດມີປະໂຫຍດ: ເປັນອາຫານທີ່ຊ່ວຍບຳລຸງຜົມ, ເລັບ, ຜິວ ໄປຈົນເຖິງກະຕຸ້ນຂະບວນການດີທ໊ອກຕັບໄດ້ດີເຊັ່ນ: ອາຫານປະເພດກະຫຼໍ່າປີ, ຫົວຫອມບົ່ວໃບ, ຫົວຫອມບົ່ວແດງ
- ອາຫານທີ່ຊ່ວຍໃນການໄຫຼຂອງນໍ້າບີໃນທໍ່ນໍ້າບີ ໃຫ້ໄຫຼຢ່າງສະດວກ ແລະມີປະສິດທິພາບ ເຊິ່ງຈະຊ່ວຍໃຫ້ຕັບຂັບເອົາສານພິດອອກມາໄດ້ດີ ຍິ່ງຂຶ້ນໄປເຊັ່ນ: ຜັກຫົມ, ມັນດ້າງ
ນອກຈາກອາຫານດີໆແລ້ວ ການຫຼີກລຽງອາຫານທີ່ບໍ່ເປັນປະໂຫຍດຕໍ່ຮ່າງກາຍ ກໍຖືເປັນຕົວຊ່ວຍໃນການດີທ໊ອກລ້າງຕັບໄດ້ຢ່າງງ່າຍດາຍ, ທ່ານສາມາດເຮັດໄດ້ທຸກວັນ ແລະຄວນຫຼີກລຽງອາຫານທີ່ມີລົດຊາດເຜັກ, ໄຂມັນສູງ, ອາຫານປະເພດຈືນ, ອາຫານມັນ, ຢຸດດື່ມແອວກໍຮໍ ແລະອອກກຳລັງກາຍເປັນປະຈຳ ພຽງເທົ່ານີ້ຮັບຮອງວ່າສຸຂະພາບຂອງທ່ານຈະແຂງແຮງຢ່າງແນ່ນອນ