ເມື່ອວັນທີ 15 ມີນາ 2017 ຜ່ານມາເອເອຟພີລາຍງານວ່າ ສານນະຄອນຊິນຈູແຫ່ງໄຕ້ຫວັນ ຕັດສິນໃຫ້ນາງ ຊູ ອາຍຸ 35 ປີ ຜູ້ເປັນຍິງຮັກຍິງ ເພດດຽວກັນ ຕ້ອງຊົດໃຊ້ເງິນຄ່າເສຍຫາຍ ໃຫ້ອະດີດສາມີ 500,000 ດອນລາໄຕ້ຫວັນ ເປັນຄ່າເສຍຫາຍໃຫ້ຝ່າຍຊາຍໃນສ່ວນຄ່າທຳນຽມງານແຕ່ງງານ, ເງິນໝັ້ນໝາຍ, ຄວາມເຈັບປວດທາງຈິດໃຈ ທີ່ຝ່າຍຊາຍຕ້ອງພົບເຈີ, ໃນກໍລະນີຍິງສາວເຈດຕະນາ ແຕ່ງງານເພື່ອຕົບຕາພໍ່ແມ່ ຈາກນັ້ນກໍຖິ້ມສາມີໄປຢູ່ກັບແຟນສາວ
ນາງ ຊູ ແຕ່ງງານກັບສາມີ ໃນເດືອນມັງກອນ 2016 ຜ່ານມາ ຫຼັງຈາກນັ້ນ 2-3 ວັນຕໍ່ມາ ກໍຖິ້ມສາມີໄປ, ການຕັດສິນໃຈຄະດີນີ້ ກໍ່ໃຫ້ເກີດສຽງວິພາກວິຈານຈາກຄົນໃນສັງຄົມ ເພາະໄຕ້ຫວັນຢູ່ລະຫວ່າງພິຈາລະນາການແຕ່ງງານຂອງເພດດຽວກັນຢ່າງຖືກຕ້ອງຕາມກົດໝາຍ
ທັງນີ້ ຮ່າງພະລາຊະບັນຍັດວ່າດ້ວຍການແຕ່ງງານ ຂອງເພດດຽວກັນມີກຳນົດວາລະພິຈາລະນາເປັນຮອບສຸດທ້າຍໃນປີນີ້ ເຊິ່ງຈະເຮັດໃຫ້ໄຕ້ຫວັນ ກາຍເປັນປະເທດທຳອິດໃນພູມິພາກເອເຊຍ ທີ່ເຮັດໃຫ້ການແຕ່ງງານຂອງເພດດຽວກັນຖືກກົດໝາຍ