ບໍ່ແມ່ນແຕ່ຜູ້ທີ່ເປັນພະຍາດເບົາຫວານເທົ່ານັ້ນ ທີ່ຢູ່ໃນສະພາວະນໍ້າຕານໃນເລືອດສູງ ຈົນສ່ຽງຕໍ່ການເສຍຊີວິດ, ຄົນທຳມະດາໂດຍສະເພາະຄົນທີ່ກິນອາຫານຫຼາຍ ແລະບໍ່ເຄີຍກວດສຸຂະພາບ ກໍມີໂອກາດສ່ຽງ ທີ່ຈະຢູ່ໃນສະພາວະນໍ້າຕານໃນເລືອດສູງ ຈົນເຮັດໃຫ້ໝົດສະຕິ ຫຼືເສຍຊີວິດໄດ້ເຊັ່ນກັນ, ເຊິ່ງຖ້າເຈົ້າມີລະດັບນໍ້າຕານໃນເລືອດຫຼາຍ ຮ່າງກາຍຈະສົ່ງສັນຍານເຕືອນ ເພື່ອແຈ້ງວ່າເຮົາກຳລັງຢູ່ໃນພາວະລະດັບນໍ້າຕານສູງຫຼາຍເກີນໄປ
- ເມື່ອຍ ຫຼືອ່ອນເພຍຜິດປົກກະຕິ
- ຢາກອາຫານ, ກິນອາຫານຫຼາຍຂຶ້ນ
- ຢາກກິນນໍ້າຕະຫຼອດ
- ທຽວຖ່າຍເບົາຕະຫຼອດ
- ສາຍຕາເບິ່ງຫຍັງກໍບໍ່ແຈ້ງ, ຕາລາຍ
- ເຈັບທ້ອງ ໂດຍບໍ່ມີສາເຫດ
- ຜິວແຫ້ງ ແລະຄັນ
- ເຈັບຫົວ, ອິດເມື່ອຍຕາມຕົນຕົວ, ຄືກັບຄົນຈະເປັນຫວັດ
- ມີບາດແຜ, ຫາຍດີຊ້າ, ຕິດເຊື້ອ, ອັກເສບໄດ້ງ່າຍ
ເຊິ່ງສາເຫດທີ່ເຮັດໃຫ້ລະດັບນໍ້າຕານໃນເລືອດສູງນັ້ນ ເກີດຈາກ:
- ກິນອາຫານຫຼາຍເກີນໄປ
- ກິນຢາບັນເທົາເບົາຫວານໜ້ອຍເກີນໄປ ຫຼືບໍ່ໄດ້ກິນ
- ຢູ່ໃນສະພາວະປ່ວຍບໍ່ສະບາຍ
- ບໍ່ໄດ້ອອກກຳລັງກາຍ ທີ່ເຄີຍອອກຕະຫຼອດ
- ຢ່ໃນສະພາວະຕຶງຄຽດ
- ກິນອາຫານທີ່ມີລະດັບນໍ້າຕານຫຼາຍເກີນໄປ
- ພັກຜ່ອນບໍ່ພຽງພໍ