ສຳນັກຂ່າວຣອຍເຕີລາຍງານເມື່ອວັນທີ 14 ມີນາ 2017 ຜ່ານມາວ່າ ນະຄອນຫຼວງວຽນນາ ປະເທດໂອຕຣິດ ໄດ້ແຊ້ມເມືອງທີ່ໜ້າຢູ່ ແລະມີຄຸນນະພາບຊີວິດສູງ ທີ່ສຸດໃນໂລກຕິດຕໍ່ກັນ 8 ປີຊ້ອນ ແລະນະຄອນຫຼວງແບກແດດ ຂອງອີຣັກ ເປັນເມືອງທີ່ໂຫດຮ້າຍທີ່ສຸດໃນການດຳລົງຊີວິດ, ສ່ວນສິງກະໂປໄດ້ແຊັມເມືອງທີ່ໜ້າຢູ່ທີ່ສຸດໃນເອເຊຍ
ການສຳຫຼວດດັ່ງກ່າວ ໄດ້ມີການເກັບຂໍ້ມູນກ່ຽວກັບເມືອງຕ່າງໆ 231 ເມືອງ ເພື່ອເປັນຂໍ້ມູນໃຫ້ບໍລິສັດ ແລະອົງກອນຕ່າງໆ ເອົາໄປໃຊ້ໃນການພິຈາລະນາກຳໜົດ ຄ່າຕອບແທນ, ເຊິ່ງໃຊ້ອົງກອບຢ່າງຫຼວງຫຼາຍ ມາປະກອບພິຈາລະນາຕັ້ງແຕ່ຄວາມໝັ້ນຄົງທາງການເມືອງ ການໃຫ້ບໍລິການສາທາລະນະສຸກ, ການສຶກສາ, ສະຖິຕິອາຊະຍາກຳ, ສັນທະນາການ ແລະການຂົນສົ່ງມວນຊົນ
ສຳລັບເມືອງທີ່ໜ້າຢູ່ທີ່ຕິດ 5 ອັນດັບມີຄື: 1. ນະຄອນຫຼວງວຽນນາ ປະເທດໂອຕຣິດ, 2. ເມືອງຊູຣິກ ປະເທດສະວິດເຊີແລນ, 3. ອ໋ອກແລນ ປະເທດນິວຊີແລນ, 4. ມິວນິກ ປະເທດເຢຍລະມັນ ແລະ 5. ເມືອງແວນຄູເວີ ປະເທດແຄນາດາ