ພະຍາກອນອາກາດ ຂອງວັນທີ 14 ມີນາ 2017 ຄວາມກົດດັນຕໍ່າຂອງອາກາດຮ້ອນ ຍັງສືບຕໍ່ປົກຄຸມຢູ່ທົ່ວທຸກພາກຂອງປະເທດລາວ ດ້ວຍກຳລັງປານກາງ, ສົມທົບກັບກະແສລົມຕາເວັນຕົກ-ຕາເວັນຕົກສ່ຽງໃຕ້ພັດປົກຄຸມ, ເຊິ່ງລັກສະນະເຊັ່ນນີ້ ຈະເຮັດໃຫ້ອາກາດຮ້ອນຫາຮ້ອນເອົ້າຢູ່ຕື່ມອີກ ຢູ່ແຂວງພາກເໜືອດ້ານຕາເວັນຕົກລົງຫາພາກກາງ ແລະ ພາກໃຕ້ ພ້ອມມີໝອກແຫ້ງປົກຫຸ້ມເປັນສ່ວນຫຼາຍໃນຕອນກາງເວັນ, ສ່ວນແຂວງພາກເໜືອດ້ານຕາເວັນອອກ, ແຂວງ ໄຊສົມບຸນ ແລະ ເຂດພູພຽງບໍລະເວນ ອາກາດຍັງເຢັນ ແລະ ມີໝອກບາງໃນຕອນເຊົ້າ.
- ສະພາບອາກາດ ແຂວງພາກເໜືອ ດ້ານຕາເວັນອອກ: ອາກາດເຢັນ ແລະມີໝອກປົກຫຸ້ມໃນຕອນເຊົ້າ ອຸນຫະພູມຕໍ່າສຸດ 14-16 ອົງສາ ແລະສູງສຸດ 31-33 ອົງສາ
- ສະພາບອາກາດ ແຂວງພາກເໜືອ ດ້ານຕາເວັນຕົກ: ມີໝອກປົກຄຸມເປັນບາງສ່ວນ, ອາກາດເຢັນພ້ອມມີໝອກບາງໃນຕອນເຊົ້າ ຢູ່ແຂວງອຸດົມໄຊ ອຸນຫະພູມຕໍ່າສຸດ 15-17 ອົງສາ ແລະສູງສຸດ 31-33 ອົງສາ, ສ່ວນແຂວງບໍ່ແກ້ວ, ຫຼວງນໍ້າທາ ແລະໄຊຍະບູລີ ອາກາດຈະຮ້ອນຂຶ້ນຕື່ມອີກ ພ້ອມມີໝອກແຫ້ງປົກຄຸມຢູ່ທົ່ວໄປ ອຸນຫະພູມຕໍ່າສຸດ 19-21 ອົງສາ ແລະສູງສຸດ 37-39 ອົງສາ
- ສະພາບອາກາດ ແຂວງພາກກາງ: ນະຄອນຫຼວງ: ອາກາດຮ້ອນ ຫາຮ້ອນອົບເອົ້າ ແລະມີໝອກແຫ້ງປົກຄຸມຢູ່ທົ່ວໄປ ອຸນຫະພູມຕໍ່າສຸດ 22-24 ອົງສາ ແລະສູງສຸດ 37-39 ອົງສາ
ພາກກາງ: ອາກາດຮ້ອນ ຫາຮ້ອນເອົ້າ ພ້ອມມີໝອກແຫ້ງປົກຫຸ້ມຢູ່ທົ່ວໄປ ອຸນຫະພູມຕໍ່າສຸດ 25-27 ອົງສາ ແລະສູງສຸດ 36-38 ອົງສາ
ແຂວງໄຊສົມບູນ: ອາກາດເຢັນໃນຕອນເຊົ້າ ພ້ອມມີໝອກບາງປົກຫຸ້ມຢູ່ທົ່ວໄປ ອຸນຫະພູມຕໍ່ສຸດ 13-15 ອົງສາ ແລະສູງສຸດ 28-30 ອົງສາ
- ສະພາບອາກາດ ແຂວງພາກໃຕ້:
ພາກໃຕ້: ອາກາດຮ້ອນຂຶ້ນຕື່ມອີກ ພ້ອມມີໝອກແຫ້ງປົກຫຸ້ມຢູ່ທົ່ວໄປໃນຕອນກາງເວັນ ອຸນຫະພູມຕໍ່າສຸດ 23-25 ອົງສາ ແລະສູງສຸດ 33-35 ອົງສາ
ສຳລັບເຂດປາກຊ່ອງ, ນິຄົມ 34: ອາກາດຍັງໜາວເຢັນ ແລະມີໝອກບາງໃນຕອນເຊົ້າ ອຸນຫະພູມຕໍ່ສຸດ 12-14 ອົງສາ ແລະສູງສຸດ 26-28 ອົງສາ
ແຫຼ່ງຂ່າວ: ກົມອຸຕຸນິຍົມ ແລະ ອຸທົກກະສາດ