ສຳນັກຂ່າວເອເອຟພີລາຍງານເມື່ອວັນທີ 13 ມີນາ 2017 ຜ່ານມາວ່າ ຫົວໜ້າເທດສະບານນະຄອນຫຼວງປາຣີ ຈະໃຊ້ເງິນ 1.5 ລ້ານຢູໂຣ ເພື່ອກຳຈັດໜູໃນເມືອງຫຼວງ ແລະຈະຕິດຕັ້ງບ່ອນເຂ່ຍຢາສູບສາທາລະນະ ເພື່ອໃຫ້ເມືອງສະອາດຫຼາຍຂຶ້ນ
Anne Hidalgo ຫົວໜ້າເທດສະບານ ໄດ້ອອກມາດຕະການ 10 ຈຸດມຸ່ງໝາຍ ທີ່ຈະເຮັດໃຫ້ເມືອງສະອາດຫຼາຍຂຶ້ນ ເຊິ່ງມາດຕະການໄດ້ກ່າວລວມເຖິງການເພີ່ມເຈົ້າໜ້າທີ່ລະບົບສຸຂະພິບານ, ເພີ່ມຊົ່ວໂມງໃນການເກັບຂີ້ເຫຍື້ອຫຼາຍຂຶ້ນ ແລະກະຕຸ້ນໃຫ້ຮ້ານອາຫານຕ່າງໆ ເພີ່ມບ່ອນເຂ່ຍຂີ້ຢາສູບບໍລິເວນທາງອອກ-ທາງເຂົ້າເພີ່ມ
ຫົວໜ້າເທດສະບານ ໄດ້ເວົ້າວ່າ “ງົບປະມານດ້ານການທຳຄວາມສະອາດ ແລະການກຳຈັດສິ່ງເສດເຫຼືອໄວ້ປີລະ 500 ລ້ານ ໃນການຈັດການດ້ານຄວາມສະອາດ ແລະຈັດການເລື່ອງສິ່ງເສດເຫຼືອ ເຊິ່ງສະຖານະການເລີ່ມດີຂຶ້ນ, ແຕ່ປາຣີ ບໍ່ທັນສະອາດພຽງພໍ” ແລະຍັງເລື່ອງອະລະຍະທຳຄວາມສະອາດເປັນເລື່ອງຂອງທຸກຄົນ ແລະຮຽກຮ້ອງໃຫ້ຜູ້ທີ່ອາໄສຢູ່ປ່ຽນພຶດຕິກຳ
ແນວໃດກໍຕາມ ການປະກາດກຳຈັດໜູທີ່ຈະໃຊ້ເງິນ 1.5 ລ້ານຢູໂຣນີ້ ຈະໃຊ້ຊື້ເຄື່ອງຈັບໜູອັນໃໝ່ ແລະຖັງຂີ້ເຫຍື້ອຈຳນວນ 30 ພັນຖັງທົ່ວເມືອງ, ເຊິ່ງໃນແຕ່ລະປີ ພະນັກງານເທດສະບານເກັບກົ້ນຢາສູບໃນນະຄອນຫຼວງປາຣີໄດ້ຫຼາຍເຖິງ 150 ໂຕນ/ປີ