ສຳນັກຂ່າວບີບີຊີລາຍງານ ວັນທີ 13 ມີນາ 2017 ຜ່ານມາວ່າ ສະພາບອາກາດທີ່ໜາວຈັດ ໃນລັດນິວຢອກ ປະເທດສະຫະລັດອາເມລິກາ ໄດ້ເຮັດໃຫ້ເຮືອນຫຼັງໜຶ່ງທີ່ຕັ້ງຢູ່ທະເລສາບອອນແທຣີໂອ ຖືກພາຍຸລະດູໜາວພັດເອົານໍ້າໃນທະເລສາບຂຶ້ນຝັ່ງ, ເຮັດໃຫ້ເຮືອນດັ່ງກ່າວກາຍເປັນນໍ້າກ້ອນທີ່ເຫັນໃນພາບ ເຊິ່ງຊ່າງພາບທ່ານໜຶ່ງໄດ້ໄປເຫັນ ແລ້ວຖ່າຍຮູບໂພສລົງໃນໂລກອອນໄລນ໌ ເຊິ່ງໄດ້ສ້າງຄວາມປະຫຼາດໃຈໃຫ້ແກ່ຜູ້ທີ່ພົບເຫັນ
ເຫດການດັ່ງກ່າວເກີດຂຶ້ນໃນຂະນະທີ່ອາທິດແລ້ວນີ້ ລັດນິວຢອກ ຕ້ອງພົບກັບພາຍຸລະດູໜາວ ທີ່ຄວາມກຳລັງຮຸນແຮງຫຼາຍພໍທີ່ຈະເຮັດໃຫ້ໄຟຟ້າດັບ, ເຊິ່ງກະທົບຕໍ່ປະຊາຊົນຫຼາຍໝື່ນຄົນ ທີ່ບໍ່ມີໄຟຟ້າໃຊ້ຫຼາຍວັນ
ທາງສຳນັກງານອຸຕຸນິຍົມວິທະຍາແຫ່ງຊາດຂອງສະຫະລັດ ໄດ້ປະກາດເຕືອນໄພພາຍຸຫິມະ ໃນລັດນິວຢອກ ທີ່ຄາດວ່າໃນມະຫານະຄອນນິວຢອກ ແລະພື້ນທີ່ໃກ້ຄຽງ ຈະມີຫິມະຕົກໜາສູງເຖິງ 12-20 ນິ້ວ ໃນລະຫວ່າງວັນທີ 13-14 ມີນາ 2017 ນີ້